2.Rongorongo 21:7 - Te B'aib'ara

⁷ ma i bukina ngke e a tia ni karaoa te berita ae e matoa te UEA nakon te uea are Tawita b'a e na tautaeka temanna n taai nako man ana utu i aon Iuta, ai ngaia are e aki tangiria n tiringiia ni kamaunaiia ana kariki Tawita.

2.Rongorongo 21:7 Iomraidhean Croise

2.Tamuera 21:17

Ma e roko Abitiai are ai natin Tawita, are tarin Ioaba ni buokia n tiringa kaain Biritia arei. Ma a tua ana tautia Tawita ni kangai, “Ti a aki kariaia b'a ko na manga ira te buaka! Ko na anga te oota nakon ara botannaomata, ao ti tangira te oota anne b'a e na teimatoa n ura.”

2.Tamuera 23:5

I a tia n tautaeka n te aro aei, ao E na bon aki kona n urua Ana berita nako iu. E a tab'anin raoi ana berita te Atua ao E aki konaa ni manga bitaki; E na bon teimatoa ni buokai ma n anganai te b'ai ae I kantaningaia.

1.Uea 11:13

Ngkana I karaoa aei, ao N na anganna naba teuana te baronga b'a e na tautaekanna, i bukin au tia m'akuri are Tawita, ao i bukin naba Au kaawa are Ierutarem.

1.Uea 11:36

ma e na teimatoa natin Toromon te m'aane n tautaekana teuana te baronga. Ao e na teimatoa iai ana kariki Tawita are au tia m'akuri n tautaeka i Ierutarem, te kaawa are I tia n rineia b'a te tabo are N na taromauriakaki iai.

1.Uea 15:4

E ongongotaeka n taai nako Tawita nakon Ana mwioko te UEA ngke e kakaraoa e eti, ma ti are ngke e anaa buun Uria. Ma E bon kakaawakina naba Ierutarem te UEA i bukina ngke bon tibutorun Tawita teuare Abiiam, ao E angan Abiiam natina te m'aane are e na manga onea mwiina.

2.Uea 8:19

Ma E aki tangiria te UEA ni kamaunaa Iuta, i bukina ngke E a tia ni berita nakon ana toro are Tawita b'a e na tatautaeka n taai nako temanna man ana utu i aon Iuta.

2.Uea 8:24

E mate Ieoram ao e taunaki i rarikiia ana bakatibu i Ierutarem. E a manga uea i mwiina natina te m'aane are Aatia.

2.Rongorongo 22:11

e anaa Ioati are natin Aatia te m'aane Nei Ieotiab'ata are e nang tiringaki naba n aroia ake te korakina. Nei Ieotiab'ata are natin Ioram te aine ao ai m'anen Aatia, e mareaki ma Ieoiata are te ibonga. Ma ngaia are, e konaa iai ni karaba ai natina te m'aane are Ioati ma ana toro temanna i nanon te ru ni matu n te Tembora ike e raba raoi iai mairoun Nei Ataria.

2.Rongorongo 23:3

ao a bootaki i nanon te Tembora, ike a boonanoia b'a a na boutokaa Ioati. E taku Ieoiata nakoia: E na riki Ioati b'a ara uea, b'a e berita ngkoa te UEA n taai ake ngkoa b'a e na uea n taai nako temanna man ana kariki Tawita.

2.Rongorongo 6:16

Ko berita ngkoa b'a e na riki ni uea n taai nako temanna mai buakoia ana utu i aon Iteraera, ngkana a karaoa aia kabanea n tamaroa nakoim, n aron are e a tia ni karaoia.

Taian Areru 132:11

Ko a tia ni kab'aka am Taeka ni bau nakon Tawita am berita ae Ko na boni kakoroa bukina: “N na karika temanna irouia natim m'aane b'a te uea, Ao e na onea mwim n tautaeka.

Taian Areru 89:39

Ko a tia n urua am Boraraoi ma am Toro ao Ko anaa nakoana n uea mai rouna.

Ruka 1:69

Ao E katauraoa te tia Kamaiu ae m'aaka i bukira, ae kaain ana utu Tawita are ana toro.

Ruka 1:79

N anga te oota nakoia ake a mena n te roo ao n nuun te mate, ao te oota aei e na oota ao ni kairiira nakoni kawain te kamaiu.