2.Rongorongo 21:17 - Te B'aib'ara

¹⁷ A buakana Iuta ao a iraei kaub'ain te uea man te bareti, ao a kairiia nako buuna ma natin Ioram m'aane b'a taian taenikai. Bon ti Aatia are te bina are e reke tikuna.

2.Rongorongo 21:17 Iomraidhean Croise

2.Uea 10:13

E titirakiniia ao e taku, “Antai ngkami?” Ao a kaeka ao a taku, “Bon ana koraki Aatia ngaira. Ti na nako ni kawariia ana utu.”

2.Rongorongo 22:1

Mai m'aaina, ao a tia ni m'ananga ni buakana Iuta kaain Arabia tekorakina, ao a tiringiia natin Ioram m'aane ni kabane, ao ti nikiraia Aatia are te bina. Ma ngaia are, a kauea kaain Ierutarem b'a aia uea.

2.Rongorongo 22:6

ao e nako nakon te kaawa are Ietireera ni kamarurungnga iai. Rimwi riki, ao e a manga nako Aatia ni kawaria ikekei.

2.Rongorongo 24:7

Ao ngkai ti tangiria i bukin onob'aian te Tembora b'a a tia n rin ma n urua m'aane ake natin te aine are e buakaka are Nei Ataria. A bon anai naba b'aai tabeua ake a tabu i bukin taromaurian te anti are Baara.”

2.Rongorongo 25:23

ao Ieoaati e taua Amatia. E kaira Amatia Ieoaati ngke e nako ni buakana Ierutarem. E urui oon taiani kaawa aika a buubura ni moa man te Mataroa are Eberaim nakon te Mataroa are Koona, are te m'akoro ae e kaaniia uabubua te miita ab'akina.

Ioera 3:5

Ko a tia n anai au b'ai aika a rangi ni bobuaka, n reitaki ma au tirewa ma au koora ma n uotinako nakon am tembora.

Amota 1:6

E taku te UEA “A teimatoa ni kakaraoa te bure kain Kata, ao N na bon katuaaia i bukin aei. A tia ni uotia nako au botannaomata man kabooia nakoia I-Etom b'a tooro.