2.Rongorongo 21:13 - Te B'aib'ara

¹³ Ma ko a tia ni karaoi aron are a karaoia uean Iteraera aika taani bure aikai ao ko a tia ni katokiia aomatan Iuta nakon taromaurian te UEA, n aron are a tia ni karaoia Aaba ma ana kariki. Ko bon tiringa naba oin tarim, aika a raoiroi riki nakoim.

2.Rongorongo 21:13 Iomraidhean Croise

1.Uea 16:25

E karaoa ae moan te buakaka riki Omri nakoia uean Iteraera ake mai i m'aaina.

2.Uea 9:22

Ao e titiraki Ieu ao e taku, “Tera rokom aei?” Ao e taku Ieu, “E na kangaa n reke te raoi? Tinam are Nei Ietebera boni ngaia ae e kairiia aomata nakon taromaurian bouananti ao karaoan m'akuri n tabunea.”

2.Rongorongo 21:11

E bon katei naba taian baangota ake baangotan te aba Ioram i aon taian tabuki ake Iuta man kairiia aomata nakon te bure nakon te UEA n taromauri antiia ianena.

2.Rongorongo 21:14

Ngkai ko a tia ni karaoi baika a bubuaka aikai, ao e na katuaaia kaain abanueam te UEA n ae rawaawata, n reitaki ma am utu, ao e na kamaunai b'aai ni kabane aika ko b'ain.

2.Rongorongo 21:4

Ngke e a tia n reke iroun Ioram taekan te aba are Iuta, ao e tiringiia tarina, n reitaki ma tabeman taani kairiiri man te botannaomata.

2.Rongorongo 21:6

E mare Ioram ma natin Aaba te aine, ao e katotongiia ana utu Aaba ao uean Iteraera ake tem'angina ni karaoa te bure. E aki ongotaeka iroun te UEA ngke e karaoi m'akuri aika a kaairua,

2.Rongorongo 24:18

Ni bon te tai arei, ao a katoka taromauriia n ana Tembora te UEA ae te Atua kaain Iuta, ao a moana taromauriaia taian bouannanti ao bannan te anti are Nei Atera. Aikai m'akuri aika a buakaka aika e rangi n un iai te UEA ae te Atua irouia kaain Iuta ao Ierutarem,

Te Otinako 34:15

Kam na aki raorao ma aomata ake ikekei, b'a kam kaawa ni manga taromauri anti ma n iri buakon aia am'arake n angakarea.

Itaia 26:21

E na otinako te UEA ao e na katuaaia aomata nako i aon te aonnaba i bukin aia bure. Ao ane a na ataaki ma ni katuaaeaki aomata aika a tia ni karaoi buure aika a korakora ngkana E waaki.

Ab'akuka 2:12

Ko na b'aka, b'a ko aana am kaawa ni m'akuri aika bure, ao ko kateia n te tiritiri.

Te Tua-Kaua 31:16

Ao E taku te UEA: Moote, Ko na mate n te tai ae e aki maan, ao a nangi rin Iteraera n te aba ike a taataromauriaki iai atua riki tabeman, ao ane a na rawa irou Iteraera ma ni moana taromauriaia atua aikai. Ane a na urua te boraraoi aomata n aron are I a tia ni karaoia ma ngaiia,

1.Ioane 3:12

ao ti na aki katotonga aroni Kain are mairoun teuare buakaka, ngke e kamatea tarina. Ao e aera ngke e kamatea? B'a kioina ngke a bubuaka ana m'akuri, ao a raraoi ana m'akuri tarina.