2.Rongorongo 21:10 - Te B'aib'ara

¹⁰ ao e aki manga reke tautaekanakin Etom iroun Iuta. E bon kakaitaraaki naba n te kaawa are Ribena n te tai anne. A riki baikai i bukina ngke e a tia n tannako Ioram mairoun te UEA, te Atua are a tia n taromauriia aia bakatibu.

2.Rongorongo 21:10 Iomraidhean Croise

1.Uea 11:31

Ao e taku nakon Ieroboam, “Anai tebwina te m'akorokoro man te kunnikai aei, ao kakauongo nakon te b'ai ae E na taekinna te UEA ae Atuan Iteraera nakoim. Ieroboam bon te UEA ae Atuam Ngai, ao N nang anaa abanuean Toromon mai i rouna, ao N nang anganiko mai iai tebwiina te baronga b'a ko na tautaekani.”

1.Uea 11:33

A aki katotoonga Tawita are ana bakatibu Toromon ma Iteraera. A aki ongotaeka irou, ke ni karaoi baika a raoiroi. A tia n rairaki nako mai irou ni manga taromauria Nei Atiterota, are antiia Titon ma Kemoti are antin Moaaba, ao Mirekon are antin Ammon.

2.Uea 19:8

Inanon te tai anne, ao e ongo mataniwiin ana taanga ni buaka Aturia ae e a tia ni kiitana te kaawa are Rakiti te uea ao e a buakana ngkai Ribena. Ma ngaia are, e a manga nako ikekei.

2.Rongorongo 13:10

Ma ti bon tuai man tannako mairoun te UEA ae te Atua! A bon teimatoa n riki b'a ara ibonga ake bon oin ana kariki Aaron, ao a teimatoa naba n riki kanoan Rewi b'a taani buokiira.

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 21:11

E bon katei naba taian baangota ake baangotan te aba Ioram i aon taian tabuki ake Iuta man kairiia aomata nakon te bure nakon te UEA n taromauri antiia ianena.

2.Rongorongo 21:8

Ngke e uea Ioram, ao e kakaitaraaki irouia kaain Etom ao a bon rinea aia uea temanna i bon irouia.

2.Rongorongo 21:9

Ao a m'ananga Ioram ma ana aobitia ao ana taani buaka i aoia aoti nako Etom, ike a katobibiaki irouia ana taanga ni buaka Etom. E birinako e bong,

2.Rongorongo 28:6

E buakana Iuta uean Turia ao e anai aomatana aika a bati mai iai nako Tamateko b'a taian taenikai. Rimwi riki, e kataenikaiia kaain Iuta uean Iteraera are Bika ma n tiringiia tebubua ao uabwi te ngaa mai buakoia ana tautia ake a ninikoria n teuana te bong.

Itaia 1:28

Ma a na bane ni mauna nako, koraki aika taani kaaitaraa aika taani bure, aika a kamangao, Ngai te UEA.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Te Tua-Kaua 31:17

ao ane N na rangi n un, ao N na kiitaniia ma n aki kan ongo aia tataro. N na karokoa te kabuanib'ai ma te maraki irouia, ao ane a na kuri ni bane ni mate. Ao ni bon tokina, ane a na uringaaba, ao a na ataia b'a e roko te kabuanib'ai i bukina ngke I kitaniia.

Te Tua-Kaua 32:21

Kam taromauri bouananti aika akea bonganaia, kam kamaraka nanou ao kam kaunai. Ao ngkai N nang kanakoa nakoimi te botannaomata ae akea bonganaia ae akea manenaia b'a a na kamaraki nanomi, ma ni kauningkami.

Iotua 10:29

I mwiin anne ao e a manga m'ananga nako Iotua ma ana taanga ni buaka mai M'aketa nako Ribena; a katobibia te kaawa ao a buakanna.

Iotua 21:13

Ao aikai naba kaawa ake a anganaki naba kanoan Aaron ake ibonga i rarikin Eberon (te kaawa ni kamauri teuana): Ribena,

Tani Motiki-taeka 10:13

Ma N nang aki manga kamaiungkami riki. Kam a tia ni kiitanai ma n taromauriia atua riki tabeman. Ngkana iai ami kaangaanga ae ab'ab'aki, ao nakoia ni butiia buokami.