2.Rongorongo 20:7 - Te B'aib'ara

⁷ Atuara, ko kanakoia botannaomata ake a maeka n te aba aei i m'aain riniia am aomata aika Iteraera ikai, ao ko anganiia ana kariki raoraom are Aberaam n aki toki.

2.Rongorongo 20:7 Iomraidhean Croise

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 13:15

N nang anganiko ma kanoam aaba ni kabane ane ko nooria, ao a na riki b'a am b'ai n aki toki.

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

2.Rongorongo 14:11

E tataro Ata ao e taku: Te UEA ae te Atua, bon ti ngkoe ae ko konaa ni buoka te taanga ni buaka ae akea korakorana ma ni katokanikaia i aon ae korakora. Ma ngaia ae, ti onimakinna b'a ko na buokiira. Ti na buakana te taanga ni buaka ae korakora aei i bukin neboan aram, ao ti ataia b'a ko bon aki konaa ni konaaki. Bon te UEA ae Atuara ngkoe.

2.Rongorongo 20:8

A maeka ara bakatibu n te aba aei ao a karaoa te Tembora i bukin karineam.

Neemia 9:8

Ko karaoa am boraraoi b'a Ko na anga abaia kaain Kanaan ao kaain Eta, kaain Ammon ao Beritaite, ao kaain Iebuti ao kaain Kirekata nakoia ana kariki i bukina ngke e kakaonimaki Ao ngkai, Ko a tia ni kakoroa bukin am berita n aron are Ko boni kaakaraoia.

Taian Areru 44:2

Ngke Ko kakioia nako botannaomata ni m'aakam, Ao Ko kamaekaia ara bakatibu i aon abaia; Ko karawawataia, ao Ko kakab'aiaia ara bakatibu.

Taian Areru 44:3

E aki reke te aba irouia ara bakatibu n aia b'ai ni buaka; Ao e aki reke irouia n oini korakoraia; E reke ni m'aakam ao ni korakoram: mani kakoauaan memenam irouia ni kaotia b'a Ko tangiriia.

Taian Areru 80:8

Ko uota te kai ae te kureebe ni kaotinakoia mai Aikubita; Ko kakioia nako botannaomata tabeua ao ko unikia iai b'a ana abanna.

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 33:2

Bon te aba are e rawata iai te miriki ao ana karewe te manibeeru, ao N na kanakoa te anera b'a e na kairoroia ni kanakoia aomata ake a maeka ikekei,

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Itaia 41:8

Iteraera, bon au tia m'akuri ngkoe ae e rineaki, ana utu raoraou are Aberaam.

Ioane 11:11

Ngke E a tia n atongi baikai, ao E a manga taku riki, “E matu raraora ae Rataro, ma N na nako ni kautia.”

Ioane 15:15

I aki manga atongngkami b'a tooro, b'a te toro e aki ata ane e karaoia ana uea; ma I atongngkami b'a raao, i bukina b'a I a tia n tuangngkami b'aai ni kabane ake I ongo iroun Tamau.

Te Tua-Kaua 4:38

Ao ngkai kam a kaaitaraia botannaomata aika raka riki korakoraia nakoimi, ma E a kaman kanakoia aomata te UEA mai abaia ma n anganingkami.

Iakobo 2:23

Ao e kakoauaki taekan te B'aib'ara are kaangai, “Ao e onimakina te Atua Aberaam, ao e atongaki aei b'a ngaia ae e reke iai reitakina ma te Atua.” Ao e aranaki b'a raoraon te Atua.

Iotua 1:6

Ko na korakora ao ko na ninikoria b'a ko na riki b'a aia tia kairiri aomata aikai ni karokoa te tai are a na tekateka raoi iai n te aba are I a tia ni berita b'a N na anganiia aia bakatibu.

Iotua 23:9

E a tia te UEA ni kamumuniia nako botannaomata aika a korakora mai i m'aaimi, ao bon akea ae konaa n tei ni kaaitarai ngkami.

Iotua 24:13

I anganingkami te aba ae kam aki karaoa aona, ao taian kaawa aika kam aki katei autiia. Ao ngkai kam a maeka iai ao kam a am'arake ni kureebe ao oriwa aika kam aki uniki!”

Iotua 24:3

Ao I anaa Aberaam are ami bakatibu anne man te aba anne ri aon te Iuberetiti ma ni karinna i aon te aba ae Kanaan ni kabuta. Ao I anganna ana kariki aika a m'aiti kurikuri. I a anganna natina are Itaaka.