2.Rongorongo 20:20 - Te B'aib'ara

²⁰ N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

2.Rongorongo 20:20 Iomraidhean Croise

2.Tamuera 14:2

ma ngaia are, e kanakoa temanna b'a e na kaira te aine ae e wanawana are e maeka i Tekoa.

1.Rongorongo 4:5

Boni iai uoman buun Atiura are e tekateka n te kaawa are Tekoa aika Nei Eera ao Nei Naara.

2.Rongorongo 11:6

Betereem, Etam, Tekoa,

2.Rongorongo 20:19

Ao a teirake tabeman kanoan Rewi man te kaainga are Koata ao Kora ao a takaarua n neboa te UEA ae Atuan Iteraera.

Taian Areru 125:1

Akana onimakina te UEA ai aron te maunga are Tion, are aki kona ni m'aing, are tei n nene ni matoatoa n aki toki.

Te Otinako 14:31

Ao ngke a noora te m'aaka ae korakora Iteraera are E a tia te UEA ni kataenikaiia iai kaain Aikubita, ao a maaka te UEA, ao a onimakina te UEA, ao a kakoaua ana toro are Moote.

Itaia 26:3

E anga te rau ae e tamaroa te UEA nakoia aika a matoa aia onimaki.

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Itaia 7:9

Ma i mwiin ae e aki raka riki nakon onobwi ma nimaua te ririki, ao e na mauna Iteraera. Ao a na konaaki Aati ma ana mataniwi ngkana a aki onimakinai.

Ieremia 38:20

Ao I taku, “Ti ngkana ko ongotaeka i roun te UEA, ao ane a anga ngkoe kaain B'aburon nako ia taian Iutaia. Ane ko na kamaiuaki, ao a na nako raoi b'aai ni kabane nakoim.

Ieremia 6:1

Biri n rawei maiumi, aomatan Beniamin. Oti nako mai nanon Ierutarem. katanga te bu i Tekoa ao kaura te ai are te kanikina i Beta-Akirem. Ko na oreaki n te tai ae e aki maan n te kabuanib'ai mai meang.

Taniera 6:23

E rangi ni kukurei te uea, ao e tua b'a e na katikakirake Taniera mai i nanon te b'angab'anga. Ma ngaia are, a katikia ni waerake ao a nooria b'a bon akea ikoakina teutana, b'a e onimakina te Atua.

Ruka 16:31

Ao e taku Aberaam nako ina, “Ngkana a aki ongo n taeka ake a koreaki n ana boki Moote ma aia boki burabeti, ao a na bon aki anaaki naba nanoia ngkana tao e kaoti temanna mai buakoia maate.”

Ioane 11:40

E taku Iesu nakoina, “Tiaki I a tia n tuangko b'a ngkana ko onimaki ao ko na nora iai m'aakan te Atua?”

Ioane 13:20

Bon te koaua ni koaua ae I a tuangngkami, b'a ane m'anea n akoa ane I kanakoa, ao e m'aneai n akoai; ao ane m'aneai n akoai, ao e m'anea n akoa naba Teuare kanakomaiai.”

Ioane 14:1

“A na tai rawawata nanomi; kam na onimakina te Atua, ao kam na onimakinai naba.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

Ebera 11:6

Ma ngkana akea te onimaki ao e aki kona te aomata ni kakukureia te Atua; b'a e bon riai iroun te aomata ane nako n te Atua ni kakoaua b'a bon iai te Atua ao boni Ngaia te tia karekea kaniwangaia te koraki aika kakorakoraia n ukoukoria.