Biblia Todo Logo
Bìoball air-loidhne

- Sanasan -




2.Rongorongo 20:17 - Te B'aib'ara

17 Kam na aki buaka. Kam na ti tei ni nnemi ma ni mataku ngkana E kamaiungkami te UEA mairouia ami kairiribai. Kam na aki maaku. Kam na ti karaoa ae kam tuangaki. Ao ngkana kam m'aati n ingabong, ao e na raoni ngkami te UEA ikekei.

Faic an caibideil Dèan lethbhreac




2.Rongorongo 20:17
26 Iomraidhean Croise  

Ao ni bon te tai naba arei ao e biri rake te burabeti nakon Aaba ao e taku, “I nooria b'a e rangi ni korakora ana taanga ni buaka Benatata. Ma E a tia te UEA ni berita b'a E na buokiko ni kataenikaiia n te bong aei. Ao ko na ataia ikanne b'a E bon baairei b'aai ni kabane te UEA.”


Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.


Ma ngaia are, aio te b'ai ae kam na riai ni karaoia. Ane a m'aati ami kairiribai n ingabong i nanon te rereua ni katobibia te kaawa are Ieruera. Kam na m'aati ni kawariia n te kaawa are Titi ngkana a roko n te m'arua.


Kam na ninikoria ao kam na korakora! Bon akea riaina b'a kam na maaka te uea are Tennakeriba ma ana taanga ni buaka ae e korakora,


b'a e buaka n ara itera te UEA ae Atuara. A ti onimakina korakoran te aomata kaain Aturia. Ao a kakorakoraaki ana taanga ni buaka Iuta n taeka aikai.


Bon raora te UEA ae Moan te M'aaka; Bon otangara Atuan Iakob'a.


E kabae wiiran aia kanibuaka, n te aro are a baenikai. Ao a taku kaain Aikubita, “E a buaka te UEA i bukiia Iteraera ni kaitaraira. Ti a kawaekoaira n nako mai ikai!”


Ao E taku te UEA ae te Atua nakon Moote: Ko na noora te b'ai ae N na karaoia nakon te uea n te tai ae aki maan. E na kanakoia Au aomata i bukin korakoran m'aakau, ao e na manga bon kakioia nako mai abana.


E a tia n tuangiira ni kabane te UEA ae E tabu ae Atuaia Iteraera ni kaangai, “N na kaawakiningkami ngkana kam oki Nakoiu ma ni karau nanomi. N na manga kakorakoraingkami ngkana kam nanoraoi n onimakinai.” Ma i mwiina kam a manga bonotaninga


E aki konaa ni buokiko Aikubita! Ao bon anne bukina ae I arana te botannaomata anne b'a te manni kaakang ae akea ana i buobuoki.”


ao I tuangiia ana rongorongo te UEA nakon Etekia ae e kaangai: Bon te UEA Ngai. Ko na aki tabe ma taeka aika a buakaka aika e a tia n taekinna ibuku akana e taekin ana tia uarongorongo uean Aturia.


Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.


Ma ngaia are, e raoiroi iroura b'a ti na tataninga kamaiuara iroun te UEA ma te nano ae rau.


Karika ami iango b'a kam na karaoi baika raraoi, tiaki baika buakaka, b'a kam aonga ni maiu. B'a e aonga te UEA ae m'aaka ni memena iroumi, man atongnga b'a bon ami Uea.


Ma ngaia are, kam na aki rarawa nakon te UEA. Bon akea bukina b'a ti na maakuia aomata ake a maeka ikekei. E tei te UEA i bukira, ao a na bon aki kona ni kataenikaira!


“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”


ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.


Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?


E na mena te Uea iroun tamneim. E na mena te akoaki iroumi ni kabaneingkami.


Ao a ientaka aia tautia aia kairiribai, ao a iangoa birinakoia. Ao ana koraki Kiteon a bon tiku ni nneia ni katobibia aia maeka aia kairiribai, ma ni manga katangi riki aia bu.


A na bane n nooria aomata b'a E aki kainanoa te kabaang ma te kainiwai te UEA ngkana E kamaiuia Ana aomata. E totokanikai n taai nako te UEA n te buaka, ao E na bon buokiira b'a ti na konaingkami.


Lean sinn:

Sanasan


Sanasan