2.Rongorongo 20:12 - Te B'aib'ara

¹² Ko aki katuaaia? Ti bon aki konaa ni kaaitaraa te taanga ni buaka aei ngkana e buakaniira. Ti aki ataia naba b'a tera ae ti nang karaoia—ti buubutiiko am buobuoki.

2.Rongorongo 20:12 Iomraidhean Croise

2.Tamuera 14:11

Ao e kaeka neirei ni kaangai, “I tuea n aran te UEA ae Atuam b'a bon akea temanna ae e na kariaiakaki n tiringa natiu!” Ao e kaeka ni kaangai, “I tuea n aran te UEA ae E maiu b'a bon akea temanna ae e na konaa n riinga irana naba teaina!”

1.Uea 1:20

Te uea ae ko karineaki. A bane n tataningaa am babaaire Iteraera ni kabane b'a antai ae ko na katanoataa b'a e na uea i mwiim.

2.Uea 6:15

Ngke e uti ana tia m'akuri Eritai n te ingabong are i mwiina, ao e nooria b'a a otab'aniniaki aia kaawa irouia tautian Turia, ao e taku, “Teuae ko karineaki, tera ngkai ae ti nang karaoia?”

2.Rongorongo 20:13

Ao ngke a bon tabe n tei ikekei i nanon te Tembora, m'aane ni kabane, ma aine, ao ataein Iuta.

Taian Areru 141:8

Ma I teimatoa n onimakiniko, te UEA ae au Uea. Boni nneu ni katanai Ngkoe; Tai katukai b'a N na mate!

Taian Areru 25:15

I mwiokoa te UEA b'a Ngaia buokau n taai nako; Ao Ngaia ae na kamaiuai man te kanganga.

Taian Areru 43:1

Te Atua, Ko na kaota ae I eti, Tei i buku ni kaitarai bukinau irouia aomata aika akea karineam irouia; Kamaiuai mairouia aomata aika m'am'anaa te aba, aika babakanikawai.

Taian Areru 7:6

Te UEA, Ko na un; Karaoa te m'akuri teuana! Eekinakoia au kairiribai. Ao taraia b'a e na karaoaki te kaetitaeka ae eti.

Taian Areru 7:8

Te UEA, motikitaekaia botannaomata! Motika taekau, ao kaotai nakoia te koraki ae I b'aab'aina te koaua, ao I aki ataia b'a I bure ke I aki.

Taian Areru 9:19

Karaoa ane ko taku, te UEA! Tai kariaia botannaomata b'a a na tokanikai i aon am Babaaire. Kateia i matam akana aki onimakiniko, b'a Ko na motiki taekaia.

Taian Areru 94:2

Te tia motiki taekaia aomata Ngkoe; Tei rake, ao anganiia akana kainikatonga rekeni kaiia ni kaeti ma baike a karaoi.

Itaia 2:4

E na katoki taiani ngurengure imarenaia botannaomata. Ane a na urui aia kabaang ma aia kainiwai ni manga kariki b'a taian reeke ma tiabora; ane a na aki manga karika te buaka ke ni buakaniia i marenaia.

Itaia 42:4

E na bon aki b'ara nanona ke ni kua ni karokoa e roko raoi te eti n te aonnaba ni kabane, ao a kariaria botannaomata nako nakon ana reirei.

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Ioera 3:12

Kam na iri ngkai nakon te M'arua are Motikitaeka, ike E na motikitaekaia iai te UEA botannaomata nako aika i rarikira.

Iona 2:4

I taku b'a I oreaki mai matam, ao I aki manga nora riki am Tembora are e tabu.

Te Tua-Kaua 32:36

E na ti kona n nanoangaia te UEA ma n anganiia te motikitaeka ae eti ngkana ai ti tabeman ana Aomata, ao akea korakoraia ao a riki tabeman mai buakoia b'a buure, ao E a tib'a nanoangaia te UEA ao E a anganiia te motikitaeka ae eti.

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.

Tani Motiki-taeka 11:27

Bon akea te kaairua ae I a tia ni karaoia nakoimi, ao e rangi ni kaairua ngkai ko a iangoa te buaka. I tataro nakon te UEA b'a E na kaotia b'a tao e eti Iteraera ke Ammon.

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”

1.Tamuera 3:13

E bon ataia b'a a rawa natina m'aane n karineai, ao e bon katikuia n aroia arei, e ngae ngke I a tia n taekinna b'a N na katuaaia ma ana utu n taai nako.