2.Rongorongo 2:15 - Te B'aib'ara

¹⁵ Waaki ni kanakoi am uita, b'aare, b'aan te oriwa, ao te wain akana ko a tia ni berita b'a ko na kabooia iai au taani m'akuri.

2.Rongorongo 2:15 Iomraidhean Croise

1.Uea 5:11

Ao Toromon e kabooa mwiina n angan Iram e kaaniia 1,000 te tan te uita ao e nakon 5,000 te riita b'aan te oriwa ni katoa ririki.

2.Rongorongo 2:10

N na kaboia am taani korokai 2,000 te uita, ae m'aitin naba te b'are, 400,000 te riita te wain, ao m'aitin naba anne b'aan te oriwa.

2.Rongorongo 2:16

N na tuangiia b'a a nang waakina korean taiani kai i Reb'anon. A na koroi n aron m'aitin ane ko tangiria, ao a na booti ni kabaei b'a taian ebaeba, ao a na kabeti ri mataniwi nako Ioba. Ao a konaa n anai am taani m'akuri mai ikekei nako Ierutarem.

Etira 3:7

E a tia n taku ngkoa uean Botia are Tairati, b'a a konaa Iteraera n anai taian kai ake tiira mai Reb'anon ni karokoa Ioba ni katiki ri taari. Ma ngaia are, a kanakoi taiani uita, wain, ao b'aan te oriwa nakoni kaawa aika a buubura ake Turo ao Titon b'a boon kaai, ao a anga taiani m'ane nako ia taani m'akuri n te atiibu ao taani kabenta.

Itaia 60:13

A na uotaki nakoim moan raraoin kaain Reb'anon kaai ake teatura, kaai ake bureen, ao kaain ake tiira. A na kamanenaaki n au Tembora i bukin katamaroaan te tabo ike N na katokaa iai waeu.

Iona 1:3

Ma e teirake Iona ni birinako mairoun te UEA n te kawai teaina. E nako Iob'a ao e nora te kaibuke ae e na borau nako Tibein (Taretiti). E kab'aka kantokana ao e toka i rarikiia kaimoa b'a e nang kaea Tibein, te tabo are e taku b'a e na raroa iai mai roun te UEA.

Iotua 19:46

Me-iarekon, Rakon, ao ai kaawa ake i rarikin Iobe.