2.Rongorongo 19:6 - Te B'aib'ara

⁶ ao e taku nakoia: Kam na taratara raoi ngkana kam karaoi ami babaaire n te kabowi, i bukina b'a bon ana aomata te UEA aomata aikai, ao ane e na bon ataa te b'ai ane ko baaireia.

2.Rongorongo 19:6 Iomraidhean Croise

1.Rongorongo 28:10

E a tia n rineiko te UEA b'a te tia katea te Tembora i bukin taromauriana. Ko na korakora ni karaoa am m'akuri ae ko a tia n anganaki.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Nakoaia Ibonga 19:15

Karaoa te eti n taai nako, e aki akaaka b'a antai ane e motikaki taekana tai i nanonano i bukina b'a tao te aki kaub'ai ke tao te kaub'ai.

Ruka 12:15

Ao E a manga taku riki nako ia, “Tarataraingkami! ao kawakiningkami man te mataai ni kanib'aib'ai ni kabane; b'a maiun te aomata, e aki mena n ana b'ai, e ngae ngkana a reke i rouna ni m'aiti.”

Ruka 21:8

Ao E kaekaia ni kangai, “Kawakiningkami b'a kam na aki burebureaki; b'a ane a na roko aomata aika bati n arau, ao ane a na kangai, ‘Boni Ngaia ngai!’ Ane a na kangai naba, ‘E a kaan te tai are E na roko iai te Kristo!’ Tai nako n iriia.

M'akuri 22:26

Ngke e ongo mataniwin te taanga ni buaka are tebubua kaaina, ao e nako n tuanga aia mataniwi tautia, ao e kaangai, “Tera ae ko nang karaoia? B'a te I-Rom te aomata arei!”

M'akuri 5:35

Ao e taku nakoia, Mm'aane aika Iteraera, kam na tarataraingkami n are kam nang karaoia nakoia aomata aikai.

Te Tua-Kaua 1:17

Kam na katitebooi naba ami babaaire nakoia aomata aika mangori ma aika korakora. Kam na aki maaka te aomata temanna. E aoria ngkana iai ae kakannato ae e kaoti n te bowi. E na buokingkami n anganingkami mooti aika raoiroi te Atua. Ngkana e rangi ni matoatoa te tangitang nakoimi, ao kam na uotia nako iu b'a N na baaireia.”

Iotua 22:5

Kam na riai ni kaawakin ana tua Moote ake e anganingkami are kaangai, Tangira te UEA ae Atuam, karaoa nanona, ongotaeka nakon ana mwioko, kakaonimaki nakoina, ao m'akuri i rouna ma nanom ao tamneim ni kabane.”