2.Rongorongo 19:10 - Te B'aib'ara

¹⁰ Ane a na uoti taiani kangaanga nako imi kaain Iuta aika a irekereke ma taian tua, aika a reke ma aekakin bure nako, n ikotaki ma te tiriaomata. Kam na karaoi kangaanga aikai ao kam na tuangiia aomata b'a a na riai ni katoka te bure nakon te UEA, b'a e aonga n aki un ke ni katuaaea Iuta. Uringnga ngkana kam karaoi nanon taiani kaetieti aikai, ao kam na bon aki bukinaki iai ngkana iai baika a riki.

2.Rongorongo 19:10 Iomraidhean Croise

2.Rongorongo 19:2

Ma e kaaitibo ma te burabeti are Ieu are natin Anani te m'aane i aon kawaina ao e taku Ieu nako ina: Ngkai ko buoka te aomata ae e buakaka are Aaba, ao ko a tia n iraorao ma te aomata ae e ririiba te UEA. Ao ngkai, e un te UEA iroum!

2.Rongorongo 19:9

Ao e taku nakoia: M'akuri ma te kakaonimaki i bukin te UEA!

Te Otinako 18:16

Ngkana a roko i rou uoman aomata n taekina bobuakaia, ao I tuangiia Ana babaaire ma Ana tua te Atua.”

Etekiera 3:17

Etekiera ae natin te aomata, I a tia n rineiko b'a ko na teirake n taratara i bukiia Iteraera. Ma ngaia ae, ko na ongora nakon te b'ai ae I taekinna, ao i mwiina ko na taetae i buku ni kauringiia.

Etekiera 33:6

Ao ngkana e noora rokon te kairiribai te tia taratara ao e aki katanga te kanikina, ao e na roko te kairiribai n tiringiia koraki aika akea aia bure, ma N na kataua te tia taratara are e bukintaeka ni mateia aomata.

Warekaia Iteraera 16:46

Ao e taku Moote nakon Aaron, “Anaa am baan are baanin te ai, ao kanoaia n te kooro ae m'aaka man te baonikarea. Kanoaia n te b'ai ni kaboiarara tabeua, ao kawaekoako ni uotia nakon te tabo are a mena iai aomata, ao aanga nakon te UEA b'a a aonga ni kab'araaki aia bure. E a rangi ni un te UEA, ao a tabe ni mate aomata!”

Warekaia Iteraera 17:11

Ao e karaoa te b'ai are e tuangaki Moote.

M'akuri 20:31

Ma ngaia ae tai ni matutu, ao ururingai b'a I aki toki n reireingkami ni kabaneingkami ni bong ao ni ngaina ma rannimatau i nanon tenua te ririki.

1.I-Tetaronike 5:14

Ao ti kaungaingkami, taari, b'a kam na reireiia akana rawa ni m'akuri, kam na kaungai nanoia akana a kai toki nanoia, kam na buokiia akana mamara, ao kam na taotaon nanomi nakoia aomata ni kabaneia.