2.Rongorongo 18:5 - Te B'aib'ara

⁵ Ao e kawaekoaia abubua taiani burabeti te uea are Aaba ao e titirakiniia ni kaangai, “E riai b'a n na buakana te kaawa are e buubura are Ramota?” Ao e taku te burabeti, “Eng! E na buokiko te UEA n taua te kaawa anne.”

2.Rongorongo 18:5 Iomraidhean Croise

1.Uea 12:9

Ao e taku nakoia, “Tera ami iango n te b'ai ae N na riai n taekinna nakoia aomata aika a butiai b'a N na kabebetea aia m'akuri?”

1.Uea 18:19

Weteia aomata ni kabane i aon Iteraera ao tuangiia b'a a na kawarai i taubukin te Maunga are Karemera. Ao ko riai naba n kairiia ana burabeti B'aara ake 450 ao 400 ana burabeti Nei Aatera ake a am'am'arake n ana taibora Nei Ietebera.

1.Uea 4:13

Natin Kebera te m'aane are e tararua te kaawa are Ramota i Kireata ao kaawa naba aika a uarereke i Kireata ake aia b'ai te utu are Iaira are kanoan Manate. E tararua naba aonon te aba are Arekoba i Batian, are iai kaawana aika onobwi aika iai ooia aika taiani buraonti bitin mataroana.

2.Uea 3:13

ao e titirakina Ioram ni kaangai, “E aera ngkai kam nakomai? Naako taromauriia aia burabeti antiia Ianena are a taromauriaki irouia am karo.” Ao e taku Ioram, Ti na aki, ma bon te UEA ae e kaotinakoira nako ikai b'a ti aonga ni kataenikaiaki irouia aia taanga ni buaka kaain Moaaba.

2.Rongorongo 18:14

Ao e m'ananga Mikaia nakon Aaba, ao e titirakin Aaba ni kaangai, “Mikaia, ti na buakana Ramota ke ti na aki?” Ao e kaeka Mikaia, “Eng, E na buokiko te UEA n taua te kaawa ane e buubura anne.”

2.Rongorongo 18:4

Ma ti na riai moa n titirakina te UEA b'a tera ae ti na karaoia.”

2.Rongorongo 18:6

Ma e taku Ieotiab'ata, “Ti na bon kakoauaa raoi, e a boni bane ngkai ana burabeti te UEA ae ti na konaa n titirakinna?”

Ieremia 23:14

Ao kam rangi ni buakaka riki ngkami burabetin Ierutarem. Kam aki kakaonimaki nakon tuan ami mare ao kam aki konaa n taekina te koaua. Ao kam bon kairiia naba tabem'aang nakon te bure ngke kam bon riai ni buokiia ni kaokiia nako iu. Ngkami ma kaain Ierutarem ti te bo ami m'akuri aika a buakaka ma Totom ao Komora.

Ieremia 23:16

Kam na aki ongo nakon aia kewe burabeti ni kewe aikai, ngkami aika kaain Iuta! Te rongorongo ae a tataekinna bon ti aia iango; e bon aki nako mairou, Ngai ae te UEA ae Moan te M'aaka.

Ieremia 23:17

A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 42:20

Kam buubutiai b'a N na tataro ma ni karekea nanon te UEA ae Atuara b'a tera ae e tangiria b'a ti na karaoia, ao kam berita b'a kam na ongotaeka i Rouna. Ma bon te bure ae e moan te kakamaaku te b'ai anne,

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.