2.Rongorongo 18:2 - Te B'aib'ara

² N te bong teuana, ao e m'ananga Ieotiab'ata ni kawara Aaba n ana kaawa n tautaeka are Tamaria. E tiringiia taian tiibu ma kaao Aaba ao e katauraoa te baka ae korakora b'a karinean Ieotiab'ata ma mataniwi ake raona. Ao Aaba e maroroakina taekan buakanakin te kaawa ae e buubura are Ramota i Kireata,

2.Rongorongo 18:2 Iomraidhean Croise

1.Uea 1:9

Ao Atoniia e kaoiia tarina nako ma ana aobitia nako Tawita ma Iuta b'a a na iria nakon te B'a are Toreta are i rarikin koburaken ranin Rokera, ike e anga iai ana karea tabeua tiibu, kaom'aane, ao kaao ataei aika a marika.

1.Uea 17:7

Ma i mwiin tabeua te tai, ao e a m'autakataka te karaanga are e uarereke arei b'a are e tuai mani b'aka te karau.

1.Uea 4:13

Natin Kebera te m'aane are e tararua te kaawa are Ramota i Kireata ao kaawa naba aika a uarereke i Kireata ake aia b'ai te utu are Iaira are kanoan Manate. E tararua naba aonon te aba are Arekoba i Batian, are iai kaawana aika onobwi aika iai ooia aika taiani buraonti bitin mataroana.

2.Uea 9:1

N te bong teuana ao e wetea temanna mai buakoia burabeti ake tekorakina Eritai, ao e taku, “Anaa te b'atoro ni b'aa n oriwa aei, ao katauraoiko b'a ko na nako nakon te kaawa are Ramota Kireata.

2.Rongorongo 18:3

ao i mwiina e a bubuti ni kaangai, “Ieotiab'ata, ko aki irai ni buakana Ramota?” Ao e taku Ieotiab'ata, “Eng, a mena taekaia au taanga ni buaka i nanoni baim.

2.Rongorongo 19:2

Ma e kaaitibo ma te burabeti are Ieu are natin Anani te m'aane i aon kawaina ao e taku Ieu nako ina: Ngkai ko buoka te aomata ae e buakaka are Aaba, ao ko a tia n iraorao ma te aomata ae e ririiba te UEA. Ao ngkai, e un te UEA iroum!

Neemia 13:6

E riki aei ni katenibwi ma uouan ana ririki Atatokititi n tautaekana B'aburon. I aki mena i Ierutarem n te tai anne, i bukina b'a I nako ni kawaria. Rimwi riki, ao I a karekea te kariaiakaki mairoun te uea

Iotua 20:8

A rineaki naba tenua kaawa ni kamauri i mainikun te Ioretan, n taabo ake a aoraoi n te rereua are i mainikun Ieriko, ao a rinea Betera are abaia te baronga are Reuben, Ramota are i Kireata are i abaia te baronga are Kata, ao Koran i Batian, are i abaia te baronga are Manate.