2.Rongorongo 18:16 - Te B'aib'ara

¹⁶ Ao e taku Mikaia, “I nanon te kaotioti I nooria tautian Iteraera aika a tiotionako, ma ni m'arua i aon taian tabuki n ai aroia tiibu aika akea aia tia kaawakini tiibu. Ao e taku te UEA, “Bon akea aia tia kairiiri te taanga ni buaka aei. A riai n okiri mwengaia ma n aki buaka.”

2.Rongorongo 18:16 Iomraidhean Croise

2.Tamuera 2:7

E a mate Tauro, ma a tia barongan Iuta ni karikai b'a aia uea. Ma ngaia are, kam na korakora ao kam na ninikoria.

2.Tamuera 5:2

Ngke e bon uea naba ngkoa Tauro, ao ko bon kairiia naba ara botannaomata nakon te buaka. E a tia ni berita te UEA b'a ko na riki b'a te tia tautaekana Iteraera ma ni kaawakinna kaanga te tia kaawakintiibu.”

1.Uea 22:17

Ao e taku Mikaia, “I nanon te kaotioti are I nooria, ao I nooriia tautian Iteraera b'a a m'ananga ni katobibi i aon taian tabuki n aroia tiibu aika akea te tia kaawakiniia. Ao e taku te UEA, “Akea aia tia kairiiri taian tautia aikai. A riai n okira mwengaia ao a na aki buaka.”

2.Uea 10:3

ao kam na rinea te aomata ae e tau nakon te tib'anga, ao karikia b'a manga te uea i mwiina. Ao kam na kakatauraoingkami b'a kam na kamanoia ana utu Aaba.”

2.Rongorongo 18:15

Ao e takaarua Aaba ni kaangai, “Mikaia, I a tia n tuangko n taai aika a bati b'a ko na tuangai te koaua! Tera ae E a tia n taekinna te UEA nakoim?”

2.Rongorongo 18:17

Ao e rairaki Aaba nakon Ieotiab'ata ao e taku, “Ao are I a tia n tuangko, b'a e na manga bon taekinii naba rongorongo ae e buakaka nako iu!”

Etekiera 34:8

Ngkai I bon maiu Ngai ae te UEA ae te Atua, ao e raoiroi riki ngkana kam ongora Irou. A tia n aki karauaki Au tiibu irouia maan aika a aki manana ake a bon tiringiia ma ni kaniia i bukina b'a akea te tia kaawakin tiibu. A bon aki kani kakaaia tiibu Au tia kaawakin tiibu. A bon iangoi aroia i bon irouia ao tiaki tiibu.

Etekiera 35:4

ao kam na kiitan ami kaawa aika a buubura n urubekebeke. E na riki abami b'a te rereua, ao ane kam na ataai iai b'a bon te UEA Ngai.

Tekaria 10:2

Kam aki konaa n onimakini taian bouananti ma taani kaiwa, ke ni mwiokoa te kaantaninga ae kam karekea mairouia taan tabunea ma taani kab'ara mii. Ma kam a tia ni katai baikai ni kabane, ao kam a riki ngkai b'a kaanga taian tiibu aika akea te tia kaawakiniia.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Warekaia Iteraera 27:17

A kainanoa te aomata temanna Iteraera are e na kairiia nakon te buaka, b'a a kaawa n riki b'a tiibu aika m'aninga nako b'a akea te tia kaawakiniia.”

Mataio 26:64

E taku Iesu nako ina, “Ngaia ane ko taku. Ma I tuangngkami b'a ane kam na nora Natin te Aomata ni moa man te tai aei b'a E tekateka i angatain Teuare M'aka, ao b'a E nako mai i aon nangini karawa!”

Mataio 9:36

Ngke E noriia aomata aika rangi ni bati, ao E nanoangaiia: kaanga ai aroia tiibu aika tiku n akea te tia kawakinia.

Mareko 6:34

Ngke E roko Iesu n te aba, ao E noriia aomata aika m'aiti, ao E nanoangaiia, b'a ai aroia tiibu aika akea te tia kawakiniia; ao E moanna n reireiia baika bati.