Ao e m'ananga Mikaia nakon Aaba, ao e titirakin Aaba ni kaangai, “Mikaia, ti na buakana Ramota ke ti na aki?” Ao e kaeka Mikaia, “Eng, E na buokiko te UEA n taua te kaawa ane e buubura anne.”
Ao e taku Mikaia, “I nanon te kaotioti I nooria tautian Iteraera aika a tiotionako, ma ni m'arua i aon taian tabuki n ai aroia tiibu aika akea aia tia kaawakini tiibu. Ao e taku te UEA, “Bon akea aia tia kairiiri te taanga ni buaka aei. A riai n okiri mwengaia ma n aki buaka.”
Ma E kainab'aabu Iesu. Ao e taku mataniwiia ibonga nako Ina, “I titirakiniko i matan te Atua ae maiu, b'a Ko na tuangiira b'a tao te Kristo Ngkoe, are Natin te Atua.”
ao e takarua n te b'ana ae korakora, ni kangai, “Iesu ae Natin te Atua are Moan te Rietaata! Tera am b'ai i rou? I bubutiko n aran te Atua b'a Ko na aki kamarakai!”
Iai I-Iutaia tabem'aang aika nanakonako ni kanakoia naba tamnei aika bubuaka n aia tabunea. A kabongana aran te UEA are Iesu nakoia aomata ake iai i rouia tamnei aika bubuaka, ao a kaangai, “Ti tuangngkami iroun Iesu are e tataekinna B'auro!”