2.Rongorongo 18:13 - Te B'aib'ara

¹³ Ao e kaeka Mikaia, “N na bon taekina are e a tia n tuangai te UEA ae Atuau ae e maiu b'a n na taekin.”

2.Rongorongo 18:13 Iomraidhean Croise

1.Uea 22:14

Ma e kaeka Mikaia ni kaangai, “N na taekina are e tuangai te UEA ae e maiu.”

2.Rongorongo 18:12

I nanon te tai anne, ao e wirikiriki te aomata are e kawaekoaa Mikaia nakon Mikaia ni kaangai, “Mikaia, a bane n taekina te rongorongo ae e raoiroi burabeti nakon Aaba. Ma ngaia ae, ko na nako ngkai ao taekina naba ae ti te bo ma ake a tia n taekinaki.”

2.Rongorongo 18:14

Ao e m'ananga Mikaia nakon Aaba, ao e titirakin Aaba ni kaangai, “Mikaia, ti na buakana Ramota ke ti na aki?” Ao e kaeka Mikaia, “Eng, E na buokiko te UEA n taua te kaawa ane e buubura anne.”

Ieremia 23:28

Ti te bo kaokoron miia ma au koaua ae kanga te uteute ao te uita. Ma ngkana a taetae burabeti i buku a na ti taekina te b'ai are I tuangiia.

Ieremia 42:4

Ao I taku, “E tamaroa, N na tataro nakon te UEA ae Atuami, ao N na manga tuangkami te b'ai are E taekinna.”

Etekiera 2:7

ao ko na taetaekina Au taeka nako ia, e aoria ngkana a taku b'a a na ongora ke a na aki.

Warekaia Iteraera 22:35

Ao e kaeka ana anera te UEA ni kaangai, “E raoiroi b'a ko na nako, ma ko na ti kona n taekin baika N na tuangko.” Ma ngaia are, e a airi nako B'araam ma ana aobitia B'araka.

Warekaia Iteraera 23:12

Ao e kaeka B'araam ao e taku, “I ti kona n taekin baike E tuangai te UEA.”

Warekaia Iteraera 23:26

Ao e kaeka B'araam “I a kaman tia n tuangko are N na bon ti taekin baike E tuangai te UEA.”

Warekaia Iteraera 24:13

b'a e ngae ngkana ko b'aintangiraai n te bareti ae onrake n te koora ma te tirewa, ma N na bon teimatoa naba n ongotaeka iroun te UEA. Ao I boni katereterea naba ae n na bon ti taekin baike E tuangai te UEA.

M'akuri 20:27

B'a akea te b'ai teuana n ana kaantaninga te Atua ae I taua n aki taekinna nakoimi.

1.I-Korinto 11:23

B'a I karekea mairoun te UEA te baere I a tia naba n anganingkami: b'a E anaa te berena te UEA are Iesu n te bong are E kam'aneaki iai;

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

I-Karatia 1:10

B'a I anai nanoia aomata ngkai, ke I anaa nanon te Atua? Ke I ukoukori kakukureiaia aomata? Ngkana I tabe ma kakukureiaia aomata, ao bon tiaki ana toro Kristo ngai.

1.I-Tetaronike 2:4

ma ngkai ti a tia ni kakoauaki iroun te Atua i mwini kataakira i Rouna b'a ti riai ni mwiokoaki i bukin tataekinan te euangkerio, ao ti bon riai n taetae, n aki kakukureia aomata, ma ti na kakukureia te Atua are Ngaia ae katai nanora b'a ua ra.