2.Rongorongo 18:11 - Te B'aib'ara

¹¹ Ao a bane ni boraoi n iango burabeti ma te koaua are e na buakaniia kaain Turia i Ramota te uea are Aaba ao a berita b'a e na buokiia te UEA ni kataenikaiia.

2.Rongorongo 18:11 Iomraidhean Croise

1.Uea 4:13

Natin Kebera te m'aane are e tararua te kaawa are Ramota i Kireata ao kaawa naba aika a uarereke i Kireata ake aia b'ai te utu are Iaira are kanoan Manate. E tararua naba aonon te aba are Arekoba i Batian, are iai kaawana aika onobwi aika iai ooia aika taiani buraonti bitin mataroana.

2.Rongorongo 18:10

Temanna mai buakoia burabeti akekei bon Kenaana are natin Tetekia te m'aane. E a tia ni karaoi taiani koro ni man te biti ao e takaarua ni kaangai, “Aaba, E taku te UEA b'a ko na buakana Turia n ai aron te kao ae iai korona aika taiani biti ma n tiringiia ni kabane!”

2.Rongorongo 18:12

I nanon te tai anne, ao e wirikiriki te aomata are e kawaekoaa Mikaia nakon Mikaia ni kaangai, “Mikaia, a bane n taekina te rongorongo ae e raoiroi burabeti nakon Aaba. Ma ngaia ae, ko na nako ngkai ao taekina naba ae ti te bo ma ake a tia n taekinaki.”

2.Rongorongo 18:5

Ao e kawaekoaia abubua taiani burabeti te uea are Aaba ao e titirakiniia ni kaangai, “E riai b'a n na buakana te kaawa are e buubura are Ramota?” Ao e taku te burabeti, “Eng! E na buokiko te UEA n taua te kaawa anne.”

Mika 3:5

A tia ni keweaki au aomata irouia burabeti ake a taetae ni burabetiia te rau nakoia ake a reke booia mairouia, ao te buaka nakoia ake a aki reke booia mairouia.

Iuta 1:16

Bon taani b'angantaeka te koraki aei, ao taani ngurengure ma taan iri oin nanoia ni kaib'ab'aru; taan taetae ni kainikatonga, ao a kamoamoaia aomata ni karangiia b'a a aonga n reke i rouia baika tangiri.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.