2.Rongorongo 18:10 - Te B'aib'ara

¹⁰ Temanna mai buakoia burabeti akekei bon Kenaana are natin Tetekia te m'aane. E a tia ni karaoi taiani koro ni man te biti ao e takaarua ni kaangai, “Aaba, E taku te UEA b'a ko na buakana Turia n ai aron te kao ae iai korona aika taiani biti ma n tiringiia ni kabane!”

2.Rongorongo 18:10 Iomraidhean Croise

1.Uea 22:11

Ao Tetekia are natin Kenaana are temanna mai buakoia burabeti, e karaoa te koro man te biti, ao e takaarua ni kaangai, “Aaba, E taku te UEA b'a ko na buakaniia kaain Turia n aron te kaom'aane ma korona aika biiti mani kamaunai mataia.”

2.Rongorongo 18:11

Ao a bane ni boraoi n iango burabeti ma te koaua are e na buakaniia kaain Turia i Ramota te uea are Aaba ao a berita b'a e na buokiia te UEA ni kataenikaiia.

2.Rongorongo 18:9

N te tai aei, a kunnikaiia Aaba ma Ieotiab'ata n te niiniira ni uea ao a tekateka i aon aia kaintokanuea n te tabo ni kaaki kunnuita i rarikin mataroan te kaawa are Tamaria, ao a tabe n ongora irouia burabeti ngke a taekin b'aai ake e taekin te UEA.

Ieremia 23:17

A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 23:21

I bon aki kanako ia burabeti aikai ke n tuangiia b'a a na taetae nako imi, ma a biri ni kakaeingkami ma n tataekina aia rongorongo nako imi.

Ieremia 23:25

A taku burabeti aikai b'a I a tia n anganiia te mii ke te kaotioti, ao a taekina te kewe n arau.

Ieremia 23:31

Ao I kaaitaraia burabeti naba aikai aika a taekin oin taeka ao a taku b'a aongkoa taeka mairou.

Ieremia 27:2

b'a N na karaoa amou man kunin te man ao kaai aika a matoatoa ma ni katoka i aon roroau.

Ieremia 29:21

E a tia n taetae te UEA ae Atuaia Iteraera, i bukin Aaba are natin Koraia te mm'aane ao Tetekia are natin Maateia te mm'aane, are e taetaekina te kewe nako imi n arau. E a tia n taekinna b'a e na anga ngaiia nakon m'aakan te Uea are Nebukaneta are uean B'aburon, are e na kamateia i matami.

Etekiera 13:7

A taku b'a a kab'arab'ara au rongorongo, ma a onrake n taiani kewe-I bon aki taetae nakoia!

Etekiera 22:28

Ao e a manga taorimwiia burabetin Iteraera ni karabaa ni buure aikai n ana kaotioti ni kewe. I bon tuai man taetae nakoia, ma a kewe b'a a taku b'a iai te rongorongo ae I anganiia.

2.Timoteo 3:8

B'a ai aroia Ianne ma Iambere ngke a eekaanako Mote, ao ai aroia naba aomata aikai n eekaanako te koaua, aomata aika babanga n iango, ao taan aki onimaki ni koaua.