2.Rongorongo 17:5 - Te B'aib'ara

⁵ ao e buokia ni kakorakora nakon kabutan abanueana. A uoti taian b'aintangira kaain Iuta nakon Ieotiab'ata, ma e ngae ngke e a maan i mwiin rikirakena ni kaub'ai ao karineana,

2.Rongorongo 17:5 Iomraidhean Croise

Karikani B'aai 13:2

Ao bon te aomata ae rangi ni kaub'ai Aberam n te tiibu, ma te kooti, ma te kao, ao ai uana naba ma te tirewa ma te koora.

1.Uea 10:25

A roroko aomata nako ni kakawaria n te ririki teuana ma teuana ma uotaia aia b'aintangira aika tirewa, koora ao ai uana naba ma kunnikai, b'aai ni buaka, baika a boiarara, taian aoti ke miure.

1.Uea 10:27

E buta nanon te kaawa are i Ierutarem n te tirewa i nanon ana tai n uea, ao e koro rawatan naba te kai te tiira kaanga ai aron te tukomorea ni karaabeen taian tabuki.

1.Uea 4:21

E bane n tautaekan aaba nako Toromon ake a mena i marenan te karaanga are Iuberetiti ao abaia kaain Biritia rikaaki ni karokoa Aikubita. A bane abanuea aikai ni kaakab'aka te taekiti ni kabane i nanon ana bongi ni maiu Toromon.

2.Rongorongo 1:15

I nanon ana tai ni uea Toromon i aon Iteraera, ao moan te bati taiani koora ao taian tirewa ni kabutaa aon Ierutarem, ao a m'aiti taiani kai aika tiira kaanga taian kai tukomorea i oin taian tabuki.

2.Rongorongo 18:1

E a rangi ni kaub'ai ngkai Ieotiab'ata ma n tanoata taekana. E tiaaina te boraraoi i bukin te raoi ma uean Iteraera are Aaba ngke e baairea mareakin natina te m'aane ma natin Aaba te aine.

2.Rongorongo 32:23

A uoti aia angab'ai aomata nako Ierutarem i bukin te UEA ao taian b'aintangira naba aika a rangi ni bobuaka i bukin Etekia, ao man te bong anne, a bane botannaomata n te aonnaba ni karinea Etekia.

2.Rongorongo 9:27

Ngke e uea Toromon, ao e raea te tirewa n taabo nako i Ierutarem, ao a m'aiti taian tiira kaanga ai aron kaai aika tukomorea i oin taian tabuki ake i maeao.

Iobi 42:12

Ao E kakab'aia nikirani maiun Iobi te UEA nakon bongin maiuna are rimoa. Ao E b'aini 10,000 te tiibu Iobi, ma 6,000 te kamero, ma 2,000 te kao, ao 1,000 te aati.

Taian Areru 127:1

Ngkana E aki katea te auti te Atua, ao e matebuaka aia m'akuri taani kateitei. Ngkana E aki teiakina te kaawa te Atua, ao e matebuaka aia tei taan tantani.

Taian Areru 132:12

Ngkana a kawakina au boraraoi natim ao a kawakin naba au taeka aika I anganiia, Ao a na riki naba natiia b'a uea n ai arom n aki toki.

Taian Areru 68:29

man am Tembora are i Ierutarem, ike a roko iai uea n uoti nakoim b'aai n tituaraoi

Taian Areru 72:10

Ane a na anganna b'aai n akoi uean Tibein ma abam'akoro; Ane a na uoti naba nakoina b'aai n tituaraoi uean Tieba ma Teba.

Taian Areru 76:11

Kakoro bukin ami taeka ake kam a tia ni kab'akai nakon te UEA ae te Atua; Ngkami aika botannaomata aika kam ua-kaan, kam na uoti b'aai n tituaraoi nakon te Atua are riai ni makaki.

Taeka n Rabakau 16:12

E karikia taan tautaeka b'a a na korakora ni karaoan ae e eti. A na riai n ribaa te buakaka

Mataio 2:11

Ao ngke a rin n te auti, ao a nora te merimeri ma Nei Maria are tinana, ao a katorobubua ni bobaraaki n taromauriia, ao a kaotinakoi aia b'aintangira aika koora, ma te riibano, ma te muura, ao a angan te merimeri.

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

1.Tamuera 10:27

Ma a taku tabeman aomata aika nanobaba aika akea maneia, “E na kanga Tauro ni kamaiura mairouia ara kairiribai?” A aki tangiria b'a e na uea Tauro i aoia, ao a aki uoti naba taiani b'aintangira nako ina. Ma e taotaona nanona Tauro.