2.Rongorongo 17:3 - Te B'aib'ara

³ Ngke e moan uea taman Ieotiab'ata i aon Iuta, ao e bon kakaonimaki nakon te UEA ma n rawa n taromauria te anti are Baara n aron are a karaoia ngkoa uean Iteraera.

2.Rongorongo 17:3 Iomraidhean Croise

Karikani B'aai 39:21

Ma e bon memena te UEA iroun Ioteb'a ma ni kakab'aiaa, ma ngaia are, e a tatangira Ioteb'a te tia tararua te karabuuti.

2.Tamuera 5:10

Ao e riki b'a te uea ao te tia tautaeka Tawita ae e korakora, i bukina ngke E mena te UEA ae Moan te M'aaka i rarikina.

2.Tamuera 8:15

Ao e tautaekana Iteraera ni kabutaa Tawita ma te eti ao te babaaire raoi.

1.Uea 11:6

E taromauria te UEA taman Toromon ma nanona ni kabane, ma e aki ongotaeka Toromon ao e karaoi baika E aki kukurei te UEA iai.

1.Uea 22:43

Ao e ongo taeka Iotiab'ata iroun te UEA, n aron are e karaoia naba tamana are Ata, ao e aki roko n te buaka ma Iteraera i nanon ana tai ni uea. Ao e kanakoia taian aine ni mataawa ni kabane man bangotan aon te aba, ma e aki urua te bangota, ao a bon tiku b'a taabo n angakarea. Ao a tauaki mwiin b'aai ni kabane ake e karaoi Iotiab'ata i nanon ana tai ni uea i nanon te boki are Rongorongoia Uean Iuta, n reitaki ma ninikoriana ao tokanikaina n taian buaka.

1.Uea 3:3

E tangira te UEA Toromon, ao e iriiri ana kaetieti ni kabane tamana ae Tawita, ma e anga naba te karea ma te karea are e boiarara i aon taiani baangota.

2.Uea 14:3

E katotoonga tamana are Ioati teuare Amatia b'a e ongotaeka iroun te UEA ni kaakaraoa ae e raoiroi. Ma tiaki aron kakaonimakin ana bakatibu are Tawita.

2.Uea 16:2

Ai bon tib'a 20 ana ririki ni maiu n te tai anne, ao e tautaeka ma Ierutarem i nanon 16 te ririki. E bon aki katotoonga ana bakatibu are Tawita teuare Aati. E aki ongotaeka iroun te UEA,

2.Uea 18:3

E ongotaeka Etekia iroun te UEA n aron are e a tia ni karaoia ana bakatibu are Tawita.

2.Uea 22:2

E aki toki n ongongotaeka Iotia nakon te UEA, n aron are e karaoia ana bakatibu are Tawita.

1.Rongorongo 22:18

Ao e taku Tawita: E a tia te UEA ae Atuara ni buokiira ni kataenikaiia aomata ake a maeka ikai mai m'aira, ao E a tia n anganingkami te rau mairouia ara kairiribai ni kabane. Ao ngkai bon ana b'ai te UEA te aba aei ma ana aomata.

2.Rongorongo 14:11

E tataro Ata ao e taku: Te UEA ae te Atua, bon ti ngkoe ae ko konaa ni buoka te taanga ni buaka ae akea korakorana ma ni katokanikaia i aon ae korakora. Ma ngaia ae, ti onimakinna b'a ko na buokiira. Ti na buakana te taanga ni buaka ae korakora aei i bukin neboan aram, ao ti ataia b'a ko bon aki konaa ni konaaki. Bon te UEA ae Atuara ngkoe.

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 17:2

E katikuia taian taanga ni buaka ni kaawan nako Iuta ake nonoaki ake a buubura, n reitaki naba ma kaawan Iuta ake tabeua ao kaawa ake i Eberaim ake a tia n reke iroun tamana are Ata.

2.Rongorongo 17:4

E bon katotoonga naba tamana Ieotiab'ata, ao e ongotaeka man taromauriia te UEA. Ma ngaia are, e kakab'aia Ieotiab'ata te UEA

2.Rongorongo 20:32

E ongotaeka Ieotiab'ata iroun te UEA, n aron e a tia ni karaoia tamana are Ata,

2.Rongorongo 21:12

N te bong teuana, ao e reke te reta iroun Ioram mairoun Eria are te burabeti ae kaangai kanoana: Bon iai au rongorongo nakoim mairoun te UEA ae te Atua are e taataromauriia ami bakatibu are Tawita. E a ataia ae ko tuai kakairi iroun tamam are Ieotiab'ata ke Ata are tibum te unim'aane.

2.Rongorongo 22:9

ao e a tua b'a e na kakaaeaki Aatia. Temanna ana aobitia Ieu are e kunea Aatia ni karaba i Tamaria. A uota Aatia nakon Ieu, are e a tiringnga naba n te tai ae e waekoa. A tauna rab'atan Aatia ti i bukin are a karinea tibuna te unim'aane are Ieotiab'ata, are e a tia ni kabanea korakorana n ongotaeka iroun te UEA. Bon akea temanna man ana utu Aatia are e tiku are e na konaa ni manga uea i Iuta.

2.Rongorongo 27:6

E teimatoa ni kakaonimaki Iotam iroun te UEA are Atuana ao e tabe n rikirake b'a te uea ae korakora.

2.Rongorongo 29:2

E ongotaeka Etekia iroun te UEA b'a e karaoi m'akuri aika a raoiroi, n aron are e a tia ni karaoia ana bakatibu are Tawita.

2.Rongorongo 34:2

E katotoonga ana bakatibu are Tawita ao e aki toki ni kakaonimaki n ongotaeka iroun te UEA.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Te Otinako 4:12

Ko na nako ngkai! N na raoniko ngkana ko taetae ma n anganiko taeka aika ko na taekin.”

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 8:10

Ikotingkami ao karaoi ami babaaire nako, ane kam na konaaki b'a e mena iroura te Atua.

Ieremia 2:23

Kam kakewei ami bure ao kam taku, “Ti itiaki. ti aki taromauria B'aara.” Ma kam na iangoa te b'ai ae kam karaoia n te M'arua are Innom. Ao kam biriaitua kaanga kaamero aika ataei, ni kawaekoaingkami n taromauria te bouananti teuana i mwiin teuana.

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Mataio 18:20

B'a ike a botaki iai uoman ke teniman n arau, ao Ngai I mena naba iai i buakoia.

Mataio 25:16

Teuare e anganaki nimaua te tarena e aki tab'ara ma e a nako naba ni kam'akuria, ao e karekea rakana ae nimaua riki te tarena.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

2.Timoteo 4:22

E na mena te Uea iroun tamneim. E na mena te akoaki iroumi ni kabaneingkami.

Iotua 1:5

Bon akea ae na kona n eekikonako ni karokoa matem. N na mena i roum n ai arou ngke I mena naba iroun Moote. N na memena i roum n taai nako. N na bon aki kiitaniko.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Tani Motiki-taeka 2:11

E a tia te UEA ni kaotinakoia aia bakatibu mai Aikubita, ao a tia n taromauriia. Ma n te tai aei, a aki taromauria te UEA Iteraera, ao a manga taromauri bouanantin B'aara, ao bouanantin Nei Atiterota, ao ai uana naba ma bouanantiia atua riki tabeman ake ni botannaomata ake i rarikiia. Ao E rangi n un te UEA

Tani Motiki-taeka 2:18

Ao ngkana a karawawataaki maiuia Iteraera irouia aia kairiribai ao E na manga nanoangaia te UEA. E na rinea te tia motikitaeka ma ni buoka te tia motikitaeka anne ni kamaiuia Iteraera mai rouia aia kairiribai. E na bon nanoangaiia Iteraera te UEA i nanon ana tai ni maiu te tia motikitaeka.

Tani Motiki-taeka 6:12

Ao e kaoti te anera nakon Kiteon ao e taku nakoina, “E na buokiko te anera, ao ko na riki b'a te tia buaka ae korakora.”

Tani Motiki-taeka 8:33

Ao i mwiin maten Kiteon, ao a manga tannako Iteraera mairoun te Atua. A katei bouanantin B'aara ao a taromauria B'aara Berita b'a atuaia.

1.Tamuera 18:12

Ao e maaka Tawita Tauro i bukina b'a E buoka Tawita te UEA ao E a aki manga buokia.

1.Tamuera 18:14

Ao e buoka Tawita te UEA, ao e aki toki n totokanikai Tawita ma ana taanga ni buaka.

1.Tamuera 18:5

Ao e kokoro bukin b'aai ni kabane ake e kanakoaki b'a e na karaoi i roun Tauro, ma ngaia are, e karikia Tauro b'a te aobitia ae rietaata n te taanga ni buaka. Ao a bane ni kukurei aomata ni kabane, n reitaki ma ana aobitia Tauro ake tekorakina.