2.Rongorongo 16:4 - Te B'aib'ara

⁴ Ao Benatata, e karaoa te b'ai are e bubutiia Ata ao e kanakoia ana taanga ni buaka Turia nako nanon Iteraera. A taua te kaawa are Iion, Taan, Abera-Maim, ao kaawa ni kabane ake i Nabetari ake a kaawakinaki iai b'aai.

2.Rongorongo 16:4 Iomraidhean Croise

Karikani B'aai 14:14

Ao ngke e ongo Aberam b'a e uotakinako b'a te taenikai ai natina are Rota, ao e bootia ana mm'aane ake taani buaka aika 318 bootaia, ao a taorimwiia uea ake aman nako Taan.

1.Uea 15:20

Ao Benatata, e karaoa te b'ai are e buubutii iai Ata ao e kanakoia tautian Turia nako Iteraera. A taua te kaawa are Iion, Taan, ao Abera-Betamaaka, ao aban Kinnerota ao Nabetari.

1.Uea 9:19

Ao e karaoi taiani kaawa ike e na konaa ni kaawakin iai ana b'ai nako ma ana kaanibuaka, ao taian aoti. E karaoi Toromon n taabo nako ake e bon taku i aon Iteraera, Reb'anon, ao n taabo nako i nanon abanueana.

2.Uea 16:9

Ni bon te tai naba are e reke iai te rongorongo iroun Tikerata Biretia, ao e a m'ananga naba ma ana taanga ni buaka nako Turia. E taua te kaawa n tua are e buubura are Tamateko, ao i mwiina, e anaiia aomata ake a maeka n te kaawa arei nako Kira b'a taian taenikai, ao e tiringa te uea are Retin.

2.Rongorongo 16:3

“I taku b'a ti riai n tiaaina te boraraoi n raoi n aron are a karaoia ngkoa tamara. Aikai taiani b'aintangira nakoim tirewa ma koora aikai. I butiiko b'a ko na urua am boraraoi ma uean Iteraera are Baatia man kairoroa b'a e na kiitana abau?”

2.Rongorongo 16:5

Ao ngke e ongo rongorongon anne Baatia, ao e katoka ana m'akuri n te kaawa are Raam'a.

2.Rongorongo 17:12

Ao ngke e a rikirake ni korakora Ieotiab'ata, ao e a karaoi taian nono ma kaawa aika a buubura

2.Rongorongo 8:6

E karaoa naba ae aron arei nakon te kaawa are Baarata ao nakon kaawa aika a buubura ake e kaawakin iai ana b'ai, ma ana kanibuaka, ao ana aoti. E tuangiia ana taani m'akuri Toromon b'a a na karaoi b'aai nako ake e tangiri b'a a na karaoaki i Ierutarem, Reb'anon, ao n taabo nako i nanon abanueana.

Te Otinako 1:11

Ma ngaia are, kaain Aikubita a manga riki b'a mataniwiia tooro, ao a kairiia n te kairiiri ae matoatoa. Ao a karaoa te kaawa ae buubura are Bitom ma Rameteti Iteraera aika kaawa i bukin kaawakinan kaub'aina.

Itaia 9:1

Ma koraki aika a tia n rawaawata a na aki manga maraki. A ribaaki ngkoa aban nako Teburun ao Nabetari i Kariraia. Ma e na rangi ni karineaki te aba aei ae abaia Tientaire nakon te Karaanga are Ioretan ri mataniwiin te Taari are Mereterenian.

1.Timoteo 6:10

B'a te baki-tianti boni ngaia ae a nako mai iai aaro nako aika buakaka. Iai tabem'aang aika rangi ni baki-tianti n te aro are a kitana iai te onimaki, ao a uruaki nanoia n te aro ae a rawawata iai.

2.Betero 2:15

a kitana te kawai ae eti, ao a tiotio nako, ao a karaoa are e karaoia B'araam are natini Beora, are tangira boon te m'akuri ae kairua are e karaoia;

Tani Motiki-taeka 20:1

Ao a tewea boowin aia botannaomata Iteraera. Ao a karaoa aia kabowi n te tabo n taromauri are i Mitib'a i bukina ngke bon ana Aomata te Atua ngaiia. Ao a bane n roko m'aane aika a tau nakon te nakoa n tautia mai aon Iteraera ni kabane--mai Taan i meang, Beerateb'a i maiaki, ao Kireata i mainikun te Ioretan. 400,000 taiani m'aane ake a roko i Mitib'a, ao a bane n ti te bo aia namakin n aia m'akuri kaain te baronga are Beniamin. Ao e roko rongorongon te kabowi arei irouia kaain te baronga are Beniamin. Ao n te tai are a roko iai n aia tabo taani kairiiri man taiani baronga nako, ao a taku Iteraera, E kanga n riki te aro aei?