2.Rongorongo 16:12 - Te B'aib'ara

¹² I nanon ana katenibwi ma ruaiwa n ririki n tautaeka, ao e reke i rouna aorakin te wae ae moan te buakaka, ma e onimakiniia taian taokita ao e aki kan buubutiia te UEA buokana.

2.Rongorongo 16:12 Iomraidhean Croise

Karikani B'aai 50:2

Ao i mwiina e anga ana taeka b'a e nang karaoaki rab'atan tamana b'a e na aki buakaka.

1.Rongorongo 10:14

ao e aki kaakawara te UEA ni kakaaea buokana. Ma ngaia are, E karaoa Tauro te UEA b'a e na tiringaki ao e anga abanueana nakon Tawita, are natin Iete te m'aane.

2.Rongorongo 16:13

Uoua te ririki i mwiina, ao e mate.

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

2.Rongorongo 28:22

Bon i mwiin rikin kaangaanga aikai nakon Aati, ao e bon manga bure naba nakon te UEA n ae e a rangi ni korakora riki nakon are mai m'aaina.

Iobi 13:4

Kam rabuni bangabaimi n taiani kewe, kaanga ai aroia taokita ngkami aika aki kona ni kamaiuia aomata.

Ieremia 17:5

I a tia Ngai ae te UEA ni kamaraiia koraki ake a tannako ma i Rou ma n onimakina korakoran te aomata.

Ieremia 8:22

E aera ngkai a tuai man kamaiuaki au aomata ngkana iai taiani b'ainaoraki ma taokita i Kireata?

Mataio 7:2

B'a te motikitaeka ni kabuakaka are kam kabongana i bukiia aomata, ao ane E na manga motiki taekami ni kabuakakaingkami iai te Atua; ao kawai ake kam kabonganai b'a b'aini bairean motikan taekani kabuakakaia, E na kabonganai te Atua b'a b'aini baireani motikan taekami ni kabuakakaki.

Mataio 9:12

Ma ngke E ongo Iesu ao E taku, “Akana marurung a aki kainanoa te tia katoki aoraki, ma ti akana aoraki.

Mareko 2:17

Ngke E ongo Iesu, ao E taku nako ia, “Te koraki aika marurung, a aki kainanoa te tia katoki aoraki, ma e kainanoaki irouia aika a aoraki: I roko, tiaki b'a N na weteia akana raoiroi, ma I roko b'a N na weteia akana buakaka.”

Mareko 5:26

a m'aiti taokita aika a tia ni buokia, ao e a bane ana m'ane ma akea te marurung ae e karekea: e a mamara riki.

I-Korote 4:14

E kamauringkami Ruka, ae te taokita ae tangiraki, ma Tema.

Te Kaotioti 3:19

Akana I tangiriia ao I boaiia ma n reireiia aroia aika riai; ma ngaia ae ko na kakorakorako ao raira nanom.