2.Rongorongo 15:7 - Te B'aib'ara

⁷ Ma ngaia ae ko na ninikoria. Ko na aki b'ara n nano! E na karineko te Atua i bukin ongotaekam i rouna.

2.Rongorongo 15:7 Iomraidhean Croise

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

2.Rongorongo 19:11

Te aomata are e na anga te kabanea ni motiki taeka i bukin buure ake a irekereke ma te aro bon Amaria are te ibonga ae e rietaata. Ao Tebaria, are te tia kairiiri man te baronga are Iuta boni ngaia are e mena i rouna te kabanea ni motikitaeka i aon taiani bure ni kabane ake tabeua. Ao a na m'akuri nikiraia kanoan Rewi b'a am taan buobuoki. Ko na ninikoria, ao I tataro b'a e na buokiko te UEA.

2.Rongorongo 32:7

Kam na ninikoria ao kam na korakora! Bon akea riaina b'a kam na maaka te uea are Tennakeriba ma ana taanga ni buaka ae e korakora,

Taian Areru 19:11

A karekea te atatai nako iu, ngai ae am Toro; ao e reke kab'aiau n iran nanoia.

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Taian Areru 58:11

Ane a na kaangai iai aomata, “Iai booni mwin aia m'akuri aomata akana raoiroi ae e na reke i rouia; bon iai te Atua ae te tia motika taekan aon te aba.”

Ieremia 31:16

Katoka tangim ao kaoi rannimatam. A na bane ni kabooaki mwiin b'aai ni kabane ake ko a tia ni karaoi i bukiia natim; ane a na oki man abaia kairiribai.

Taniera 10:19

E taku, “E tangiriko te Atua, ma ngaia ae ko na aki raraoma ke ni maaku.” Ao ngke e a tia n taekin baikai, ao I a manga namakina riki rinin korakorau ao I taku, “Nao, tuangai b'aai ni kabane ake ko a tia n taekin, b'a ko a tia ni kakorakoraai.”

Tekaria 8:9

Bon te UEA Ngai ae Moan te M'aaka! Ma ngaia are, kam na aki b'arannano. Kam na iangoi au rongorongo ake a taekin au burabeti ngke e moan kaweneaki aan te Tembora.

Mataio 5:12

B'a a b'ainikiriniia burabeti ake a maiu i m'aimi n te aro naba aei. Kam na kukurei, ao kim'areirei, b'a a bati b'aai n tituaraoi ae E katauraoi te Atua i bukimi.

Mataio 5:46

B'a ngkana kam tangiriia akana tangiringkami, ao tera te b'ai n tituaraoi ae kam na karekea iai? Tiaki a karaoa naba aei taan anai taekiti?

Mataio 6:1

Kam na tarataraingkami b'a kam na aki karaoi b'aai ake a kaeti ma b'ain te onimaki i mataia aomata ni kan noraki i rouia; b'a ngkana aromi anne, ao a na akea te b'ai n tituaraoi ae kam na anganaki mairoun Tamami are i karawa.

Mataio 6:18

b'a e na aki noraki am aki-mamatam irouia aomata, ma e na noraki iroun Tamam ae nora ae raba; ao Tamam ae nora ae raba, ane E na anganiko te b'ai n tituaraoi b'a am b'ai.

Mataio 6:4

b'a e aonga n raba am angab'ai; ao E na anganiko te b'ai n tituaraoi Tamam, ae nora ae raba, b'a am b'ai.

Mataio 6:6

Ma ngkana ko tataro, naako rin n am ruu, ao kaina te mataroa, ao tataro nakon Tamam ae raba; ao E na anganiko Tamam ae raba te b'ai n tituaraoi b'a am b'ai.

Ruka 6:35

Ma kam na tangiriia ami kairiribai, ao karaoa ae raoiroi nako ia, ao aanga n aki manga kaantaninga booni mwiina b'a e na okiringkami; ane e na bati te kab'aia ane na reke i roumi iai, ao ane kam na riki b'a natin Teuare Moan te Rietaata; b'a E akoi te Atua nakoia akana bangaomata ao akana iangoia i bon i rouia.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

1.I-Korinto 16:13

Kam na tatauraoi, kam na teimatoa n te onimaki, kam na nano ni mm'aane, ao kam na korakora.

1.I-Korinto 3:14

Ngkana e tiku n arona ana kateitei te aomata i aona, ao e na anganaki kaniwangana.

1.I-Korinto 3:8

Akea kaokoron te aomata are unika te aroka ma te aomata are teboteboka te aroka; ao ane a na anganaki n tatabemaniia booia n ai aron te m'akuri are a tia ni karaoia.

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

I-Korote 3:24

ngkai kam ata te UEA b'a E nang anganingkami b'a boon ami m'akuri te baere E a tia ni kawakinna i bukiia ana aomata. B'a Kristo boni Ngaia te Toka ni koaua are kam toro i Rouna.

Ebera 10:35

Ma ngaia ae kam na tai kaki aromi n nanomatoa, b'a bon iai kab'aiami ae bati ae na reke iai.

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.

Iotua 1:6

Ko na korakora ao ko na ninikoria b'a ko na riki b'a aia tia kairiri aomata aikai ni karokoa te tai are a na tekateka raoi iai n te aba are I a tia ni berita b'a N na anganiia aia bakatibu.

Iotua 1:7

Ko na korakora ma n ninikoria riki n toui mwiin tuua ni kabane ake e a tia n anganiko Au toro are Moote. Ngkana ko aki kaaki teuana mai i buakon tuua aikai ao e na bon iriiriko te tekeraoi n taabo nako ike ko nako iai.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Iotua 14:14

E a riki b'a abaia kanoan Kareb'a are natin Iebunne are te Kenitaite.

2.Ioane 1:8

Kam na tarataraingkami b'a kam na tai kabuai baike kam m'akuri i bukiia; ma kam na karekei kaniwangami aika b'anin raoi.

Ruuta 2:12

Ke E anganiko boom ae kororaoi te UEA, ae Atuaia Iteraera, i bukin am m'akuri ae ko a tia ni karaoi, b'a ko a roko i nanon ana Kakaawakin.”