2.Rongorongo 15:6 - Te B'aib'ara

⁶ A bon itiritiri botannaomata i bon irouia, ao a ikamaamate te kaawa teuana nakon te kaawa teuana, i bukina b'a E bon kariki taian kangaanga ma kiriwe te Atua n taabo ni kabane.

2.Rongorongo 15:6 Iomraidhean Croise

2.Rongorongo 12:15

A bane n tauaki rongorongon b'aai ni kabane ake e karaoi Reoboam i nanon ana tai ni uea, n reitaki ma rongorongon ana utu i nanon aia rongorongo burabeti aika uoman ake Temaia ao Ito. I nanon ana tai n tautaeka Reoboam, ao a uaia ni ibubuaka i marenaia ngaia ma uean Iteraera are Ieroboam.

2.Rongorongo 13:17

nimabubua te ngaa aia taanga ni buaka taiani kairiribai.

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

Taian Areru 106:41

Ao E anga ngaiia nako nanoni baiia botannaomata tabeua; Ao a tautaekanaki irouia aia kairiribai.

Itaia 10:6

n oreia ni kab'akaia ngkami aomata aika taan onimakiniia anti. I un iroumi, ao N na kanakoia b'a a na buakaningkami. E na anai b'aai aika e tangiri ao e na toubekaingkami kaanga taiani bokaboka ake i nanon kawain nukan te kaawa.

Itaia 19:2

“N na katuaaea Aikubita n taiani buaka n nanoaa ane a na buaka i bon irouia aaba ma ake i rarikiia, kaawa ma kaawa, ao taian abanuea n tatabeua nako.

Ieremia 25:32

E taku UEA ae Moan te M'aaka: Kam konaa noora te aoraki ngkana e butinako man taabo aika a raroa nako n te aonnaba, man te botannaomata teuana nakon teuana kaanga te angibuaka ae e kakamaaku.

Amota 3:6

Ana kona n aki maaku aomata ngkana e tang te bu ni kaota buakanakin te kawa? Ana kona n roko buaka n orea te kaawa ngkana e aki karokoa te UEA?

Akai 2:22

ma ni kamaunai taiani uea ao abanuea. N na karanganakoi kaanibuaka, ao ane a na moana tiringakiia i bon irouia tautia ake taan toka i aoia aoti.

Mataio 24:7

B'a ane na tei rake te aba teuana ni buakana te aba teuana, ao te tautaeka teuana ni buakana te tautaeka teuana; ao ane a na roko roongo ma m'aeiein te aba n taabo nako.

Mareko 13:8

Ane e na tei rake te botannaomata teuana ni buakana te botannaomata teuana, ao te uea temanna ni buakana te uea temanna; ane e na roko m'aeiein te aba n taabo nako, ao ane a na roko roongo. Aikai karawawata aika a na roko moa.

Tani Motiki-taeka 2:14

irouia Iteraera n te aro are E a kanakoia botannaomata tabeua ni buakaniia ma ni kimoai arokaia ma aia b'ai riki tabeua. A mena kairiribai n taabo ni kabane, ao E bon kairiia te UEA b'a a na kataenikaia Iteraera n te buaka. E a kaman kauringiia Iteraera b'a E na boni karaoa te aro aei, ao ngkai a taonaki n te kaangaanga Iteraera.