2.Rongorongo 14:4 - Te B'aib'ara

⁴ Ao i mwiina, e tuangiia aomata ni kabane i aon Iuta b'a a na taromauriia te UEA ae te Atua, n ai aron are a tia ni karaoia aia bakatibu, ao a iri nanon taian tua ma taian reirei.

2.Rongorongo 14:4 Iomraidhean Croise

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

2.Rongorongo 11:16

Ma a tangiria n taromauria te UEA ae te Atua tabeman Iteraera, n aron are a tia ni karaoia aia bakatibu. Ma ngaia are, a iriia ibonga ao kanoan Rewi nako Ierutarem, ike a konaa iai n anga taiani karea nakon te UEA.

2.Rongorongo 14:3

E kamaunai baangotan te aba ao taian baonikarea i bukin taian anti. E urui taian atiibu ake bannan taian anti ao e koroi ni kab'akai taiani boua ake a tabu ake a kabonganaaki i bukin taromaurian te anti are Nei Atera.

2.Rongorongo 14:5

E kamaunai baangotan te aba ni kabane ao taiani baoni karea ake i bukin b'aai ni kaboiarara ake i Iuta.

2.Rongorongo 29:21

A uoti itiman taiani kao, taian tiibu m'aane itiman, itiman taian tiibu teteei, ao itiman taiani kooti b'a taian karea i bukin kab'araan aia bure ana utu Etekia ao kaain Iuta, ao bon kaitiakan naba te Tembora. E tuangiia ibonga Etekia ake ana kariki Aaron, b'a a na karea taian man aikai i aon te baonikarea.

2.Rongorongo 29:27

Ao ngke e a tia n anga te kanikina Etekia b'a a nang kabuokaki taiani karea i aon te baonikarea, ao a waakina aia anene n nebo nakon te UEA taani katangtang ao a katangi aia b'ai ni katangitang,

2.Rongorongo 29:30

Ao i mwiina, a anga aia taeka Etekia ma ana mataniwi nakoia kanoan Rewi b'a a na anenei taian anene n nebo ake e a tia ni koroi Tawita ma Ataba are te burabeti. Ao a bobaraaki ao a kukurei n anenei kuuna n nebo nakon te UEA.

2.Rongorongo 30:12

Ao te Atua e karaoia aomata ni kabane i Iuta b'a a na rangi ni kan karaoi b'aai ake a tuangaki irouia Etekia ma ana mataniwi.

2.Rongorongo 30:19

A reke iroun Etekia, ao e a ataa te b'ai ae a tia ni karaoia ao e tataro: “Te UEA ae te Atua, a tuai n itiaki n aron tuan baika a tabu. Ma a bon taromauriiko naba n aron are a karaoia aia bakatibu. Taiaoka, kab'arai aia bure.”

2.Rongorongo 33:16

Ao i mwiina, e onob'aia ana baonikarea te UEA ao e anga karea ni kaaitaua ao te karea naba i bukin bubutiana ana kakab'aia. E anga ana taeka nakoia aomata ni kabane i Iuta b'a a na riai n taromauriia te UEA ae Atuan Iteraera.

Neemia 13:9

Ao i mwiina, I tua b'a e na kaitiakaki te ru ma b'ain am'arake ake b'ain te tembora, ma taian angab'ai ake taian uita, ao b'ai ni kaboiarara b'a a na manga kaokaki nako nanon te ru.

Taian Areru 119:10

I kekeiaki n toro iroum ma nanou ni koaua; Kawakinai man riaoan am Tua.

Amota 5:4

E taku te UEA nakoia Iteraera, “Nakomai ao kam na maiu.

Iotua 24:15

Ngkana kam aki kan toro i rouna, ao kam na motika nanomi n te bong aei b'a antai ae kam na toro i rouna, antiia ami bakatibu ake i Metobotamia, ke antiia taian Amoraite ae kam maeka i abaia ngkai. B'a ngai ma au utu ti na toro iroun te UEA.”

1.Tamuera 3:13

E bon ataia b'a a rawa natina m'aane n karineai, ao e bon katikuia n aroia arei, e ngae ngke I a tia n taekinna b'a N na katuaaia ma ana utu n taai nako.