2.Rongorongo 13:9 - Te B'aib'ara

⁹ Ao bon akea naba ana kariki Aaron n ami itera, i bukina b'a kam kakioia nako ana ibonga te UEA ao kanoan Rewi. Ao ko a manga rineia aomata n aki akaaka b'a a na manga riki b'a ibonga n onea mwiia, n aron are a karaoia botannaomata ake ianena. Ni bon koauana, ao a boni konaa n riki b'a ibonga aomata ni kabane akana a uoti aia kao ao itiman taian tiibu m'aane nakon te baonikarea nakoia akana a aranaki b'a antim.

2.Rongorongo 13:9 Iomraidhean Croise

1.Uea 13:33

Ma e bon teimatoa naba Ieroboam ni karaoi m'akuri aika a buakaka. E rineia m'aane tabem'aang b'a a na riki b'a ibonga i bukin baangota ake i abaia, e ngae ngke bon tiaki kanoan Rewi. E a karaoia b'a e na konaa n riki n ibonga te aomata ae e tangiria ni kan riki b'a te ibonga.

2.Uea 19:18

A urui taiani bouananti ake taiani kai ao taian atiibu ake a karaoi aomatan taian botannaomata aikai man taromaurii.

1.Rongorongo 29:5

ao i bukin karaoan b'aai aika koora ao b'aai aika tirewa. Antai riki ae e konaa ni kaota banen nanona iroun te UEA n anga ana b'aintangira i bukin katean ana Tembora?

2.Rongorongo 13:10

Ma ti bon tuai man tannako mairoun te UEA ae te Atua! A bon teimatoa n riki b'a ara ibonga ake bon oin ana kariki Aaron, ao a teimatoa naba n riki kanoan Rewi b'a taani buokiira.

2.Rongorongo 29:31

Ao e taku Etekia nakoia aomata, “Ao ngkai kam a manga itiaki i matan te UEA, uoti mai taiani karea ao taian angab'ai i bukin anganakina b'a kaaitauana.” A karaoi baikai aomata, ao tabeman mai buakoia a anga nanoia ni uoti taiani man b'a ana kareanaki.

Te Otinako 29:1

Kam na rinea te kaomm'aane ae uarereke ao uoman tiibu mm'aane aika akea toabuakan rab'ataia, ngkana kam na katabuaia natin Aaron b'a a na riki b'a au ibonga.

Te Otinako 29:29

E na kakaawakinaki kunnikain Aaron n ibonga nakon rooro nako ae na manga onea mwiina n riki b'a te ibonga ae rietaata,

Te Otinako 29:35

Karaoa te bootaki ni katabutabu i bukin Aaron ma natina mm'aane i nanon itiua te bong aika ti te bo kanoaia, n aron are I a tia n reireiniko.

Te Otinako 32:29

Ao e taku Moote nakoia, “Ongotaeka iroun te UEA ao karaoa ae raoiroi, ao kam na m'akuri b'a ibonga ngkami i bukiia Iteraera. E bon matoatoa i roumi b'a kam na tiringiia oin natimi mm'aane ao tarimi, ma E a tia te UEA ni kakab'aiaingkami ma ni karikingkami b'a ana ibonga n te bong aei.”

Ieremia 2:11

ao ane kam na nooria b'a bon akea te botannaomata ae e a tia ni kiitana antina e ngae ngke tiaki atua ni koaua. Bon ti Ngai te Atua ni koaua ae E mimitong, ao kam a tia ni katinanikuai i bukin taromaurian taian bouananti.

Ieremia 5:7

Kaain Iuta, N na kangaa ni kab'ara ami bure? I anganingkami b'aai nako, ma kam kiitanai ao kam taromauri bouannanti. Ngkami aika mm'aane kam nako ni kawariia ainen matawa ao kam aki kakaonimaki nako ia buumi.

Otea 8:6

Iai temanna mai Iteraera ae e karaoa te bouannanti anne i bukimi, ma bon te ti te Atua Ngai. Ai ngaia are, e na kamaaenikunaki n aki akaaka.

Nakoaia Ibonga 16:32

E na riai n anga ana karea te ibonga are e rietaata i bukin kab'araan te bure, ao e na kunnikainna n taian riinen aika tabu.

Nakoaia Ibonga 8:2

“Kaira Aaron ma natina m'aane nako mataroan te Um'antabunrianna, ao uoti naba taian kunnikai ni ibonga, ao te b'aa ni katabutabu, ao te kao m'aane te teei i bukin te karea ni kab'arabure, ao uoman naba te tiibu m'aane, ao te b'aene ni kariki are e aki karikaki.

M'akuri 19:26

Ao kam noria, ao kam ongo, b'a tiaki ti i Ebeto ae e kairoroia ma n anai nanoia iai aomata teuare B'auro, ma e kuri ni kabuta aon Atia, n taku b'a tiaki atua baika karaoaki ni baiia aomata.

I-Karatia 4:8

Ma kam aki ata te Atua ngkekei, ao kam toro irouia baika iai m'akaia aika tiaki atua;

Te Tua-Kaua 32:17

Kam angakarea nakoia taimonio, ao bouananti aika akea bonganaia aika aki kona ni buokingkami, atua aika boou aika tuai man taromauriaki irouia ami bakatibu