2.Rongorongo 13:8 - Te B'aib'ara

⁸ Ko taku ngkai b'a ko konaa ni kaaitaraa te abanuea are e a tia te UEA n angan Tawita ma ana kariki ngkoe ma am taanga ni buaka ane e korakora anne. Bon akanne antim ao akea riki, akana bannan taian kao ataei aika koora, ake e karaoi ngkoa Ieroboam i bukim.

2.Rongorongo 13:8 Iomraidhean Croise

1.Uea 12:28

Ao e bubutiia taan iango b'a a na buokia n tuanga arona, ao i mwiina, e a karaoi uoua taiani kaoteteei aika koora. E kaoti nakoia aomata ao e taku, “Kakauongo aomata ni kabane. Kam a riai n aki manga nako Ierutarem n taromauri. Ao aikai atuami ake a kamaiungkami mai Aikubita.”

1.Uea 12:29

Ao i mwina, e katuka te kaoteteei te koora are teuana n te kaawa are Betaera. Ao e katuka are temanna n te kaawa ae Taan, ao a m'ananga aomata rimoan te kaoteteei ngke e uotaki nako ikekei. Bon te bure ae moan te kakaiaki te b'ai are e tia ni karaoia Ierutarem.

1.Uea 14:9

Ko a tia n rangi ni kamaraka nanou, ngke ko kaaki taekau; ao ko karaoi bouananti man te koora. Ieroboam. Ko a tia ni karaoa te m'akuri ae moan te buakaka riki nakon are a tia ni karaoia uea ni kabane ake mai i m'aaim.

2.Rongorongo 11:15

E a manga bon karekeia ana ibonga Ieroboam b'a taani m'akuri n taiani baangota ake baangotan te aba i Iteraera ao n taabo n taromauri ake e a tia ni kateaki iai bouanantin te kooti are te anti ao taian kao ataei.

2.Rongorongo 20:12

Ko aki katuaaia? Ti bon aki konaa ni kaaitaraa te taanga ni buaka aei ngkana e buakaniira. Ti aki ataia naba b'a tera ae ti nang karaoia—ti buubutiiko am buobuoki.

2.Rongorongo 20:6

ao e tataro: Ngkoe ae te UEA ae te Atua are a taataromauriia ara bakatibu, ao ko tautaekaniia botannaomata ni kabaneia aika i aonnaba mai karawa. Ko bon rangi ni m'aaka n te aro are bon akea ae e konaa ni kataenikaiko.

2.Rongorongo 9:8

I neboa te UEA ae Atuam. E tangiriko ao E karaoiko b'a uean Iteraera. E tangiriia kaain te aba aei te Atua ao e aki konaa n tannako mairouia, ai ngaia are, e a tia n anganiia aia uea ae e na tautaekaniia n te eti ao te raoiroi.

Taian Areru 33:16

E aki tokanikai te uea i bukina b'a e korakora ana taanga ni buaka; Ao e aki tokanikai te tautia i bukini korakorana.

Ruka 19:14

Ma e ribaaki teuarei irouia ana aomata, ao a kanakoia taan taetae i bukiia b'a a na ri mwina, ao a na atongi taeka aikai n te aba are e mena iai teuarei: “Tiaki tangira teuaei b'a e na uea i aora.”

Ruka 19:27

Ao i bukiia taan ribaai akanne, akana a aki tangirai b'a N na tautaeka i aoia, kairiia mai, ao tiringiia i matau.”