2.Rongorongo 13:5 - Te B'aib'ara

⁵ E a tia ni karaoa ana berita ae e matoa te UEA ae te Atua b'a a na riai n nako uean Iteraera ni kabane man ana utu Tawita.

2.Rongorongo 13:5 Iomraidhean Croise

2.Tamuera 10:13

Ao a buakaniia kaain Aram Ioaba ma ana tautia, ao a biri nako kaain Aram mairouia.

1.Uea 8:20

“Ao ngkai, E a tia ni kakoroa bukin ana Berita te UEA ae N na riki b'a uean Iteraera n aron tamau, ao I a tia ni karaoa te Tembora i bukin te UEA ae Atuara.

1.Rongorongo 17:11

N na rinea temanna mai buakoia natim m'aane b'a e na uea ngkana ko a roko n tokin maium man taunaki i rarikiia am bakatibu. N na karikia b'a te tia tautaeka ae e korakora,

1.Rongorongo 17:14

N na boni kakoauaa raoi b'a a na bon tautaekaniia au aomata ao abanueau natim m'aane ao am kariki n aki toki.

2.Rongorongo 6:16

Ko berita ngkoa b'a e na riki ni uea n taai nako temanna mai buakoia ana utu i aon Iteraera, ngkana a karaoa aia kabanea n tamaroa nakoim, n aron are e a tia ni karaoia.

Neemia 5:9

Ao I reitanako au taeka ao I taku, “E bure te b'ai ae kam a tia ni karaoia! Ti na karinea Atuara n arora ni maiu, b'a a aonga tientaire n aki noora te kaairua iroura.

Taeka n Rabakau 1:29

Eng, e na bon akea te b'ai ae kam na ataia, ao kam na bon rawa ni karinea te UEA.

Ieremia 33:26

Ao N na bon karaoa naba aron anne; b'a N na aki katinanikuia naba ana kariki nako Aberaam, Itaaka, ao Iakob'a ke n urua Au berita are a na teimatoa n riki ana kariki Tawita b'a aia Uea. N na akoia Au aomata aika Iteraera, ao a na manga okira aroia n teetekeraoi.

Etekiera 43:24

ao uotiia nakon au Tembora. E na kamraraa te taoro te ibonga i aoia ao e na anga b'a te karea are kakukureiau.

Taniera 5:18

“Nooria te uea, bon te Atua ae e m'aaka ae E karika taman Nebukaneta b'a te uea ae e korakora, ao E anganna te m'aaka ma te karineaki.

Nakoaia Ibonga 2:13

Kam na taoron ami karea ni kabane ake uita, i bukina b'a bon kanikinaean ana berita te UEA ma ngkami te taoro (Kam na taoron ami karea ni kabane.)

Warekaia Iteraera 18:19

Ni moa man te tai aei, ao kam a b'aini taian angab'ai aika tabu ake a anga Iteraera nako Iu b'a ami b'ai ma natimi mm'aane, ao natimi aine. Bon aei Au berita nako imi ma kanoami, ao e na bon aki manga bitaki.

2.Betero 3:5

B'a bon nanoia b'a a na m'aninga taekan te koaua aei: ae karawa e riki ma ngkoangkoa n ana taeka te Atua, ao E karika aon te aba man te ran ao n te ran;

1.Tamuera 16:1

Ao E taku n te bong teuana, “Tamuera, I a tia n ribaa Tauro, ao I aki tangiria b'a e na riki b'a te uea. Ko na aki nanoangaia. Uota b'aan te oriwa teutana n te kaonteina ae uarereke ao naako kawara te aomata ae arana Iete, ae maeka i Betereem. I a tia n rinea natina te m'aane temanna b'a e na uea.”

1.Tamuera 16:12

Ao kananako wetean Tawita Iete. Bon te ataei ni m'aane ngaia ae marurung rab'atana, e botonim'aane ma matana aika mata tokatoka. Ao n te tai are roko iai Tawita, ao e taku Tamuera, “Boni ngaia aei! Teirake, ao atoa b'aan te oriwa i aon atuuna.”