2.Rongorongo 12:5 - Te B'aib'ara

⁵ A tia ni m'ananga Reoboam ma ana taani kairiiri i Iuta nako Ierutarem b'a a biri nako man ana buaka Titiaka. Ao ngke a mena ikekei, ao e taku Temaia are te burabeti nakoia, “E taku te UEA b'a i bukina ngkai kam aki ongotaeka i rouna, ao E a tia ngkai ni kiitaningkami. E na bon aki buokingkami te UEA ni kamaiungkami man ana buaka Titiaka!”

2.Rongorongo 12:5 Iomraidhean Croise

2.Tamuera 24:14

Ao e rangi ni maaku Tawita, ao e taku, “E matoatoa rineana! Ma E bon akoi te UEA, e raoiroi riki katuaaeau Irouna nakon ae N na katuaaeaki iroun temanna.”

1.Uea 12:22

Ma e roko ana taeka te Atua iroun Temaia are te burabeti n te tai naba arei.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

2.Rongorongo 11:2

I nanon te tai anne, ao e a tia te UEA n tuanga Temaia are te burabeti

2.Rongorongo 12:15

A bane n tauaki rongorongon b'aai ni kabane ake e karaoi Reoboam i nanon ana tai ni uea, n reitaki ma rongorongon ana utu i nanon aia rongorongo burabeti aika uoman ake Temaia ao Ito. I nanon ana tai n tautaeka Reoboam, ao a uaia ni ibubuaka i marenaia ngaia ma uean Iteraera are Ieroboam.

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 24:20

E taetae te Atua nakon te burabeti are Tekaria are natin Ieoiata are te ibonga, ao e tuangiia aomata ni kabane Tekaria ana taeka te Atua ae e kaangai, “E aera ngkai kam aki ongotaeka irou ao nakon au tua nako? Kam a tia ni tannako mairou.” E na karekea te katuaaeaki te b'ai aei, ma ngaia ae ngkai N nang tinanikuingkami.”

Taian Areru 37:33

Ma E na aki kaaki taekana te UEA i nanoni bain te aomata anne, ke ni kariaia motikan taekana b'a e bure ngkana e kabowiaki.

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 23:33

Ieremia, ngkana e titirakiniko te burabeti ke te ibonga ke tao antai ni kaangai, “Iai ana rongorongo te UEA i bukira?” ao tuangiia ni kaangai, “Bon te uota ae e rawaawata ngkami i roun te UEA, ao E na karaoa taekam.”

Ieremia 4:18

“Kaain Iuta, ane a na rootaki nanomi n te maraki, ma bon ami kaairua ae e kam na katuaaeaki iai.”

Ieremia 5:19

Ao ane a na titiraki akana a riki b'a nikira ni maiu ni kaangai, “E aera ngkai E karaoa te b'ai ae e kakamaaku aei te UEA ae te Atua nakoira?” Ao kam na tuangiia ni kaangai: Bon te UEA Ngai, ma kam a tia ni kiitanai n taromaurii anti tabem'aang ni bon oin abami. Ao ngkai kam na riki b'a tooro i abaia ianena.