2.Rongorongo 12:3 - Te B'aib'ara

³ Ao e buaka Titiaka ma ana taanga ni buaka aika te ngaa uabubua aia kanibuaka ao onobwi te ngaa aia taani buaka i aoia aoti, ao ai uana naba ma tautian Aikubita ake a roko mai Ribia, Tukota, ao Itiobia.

2.Rongorongo 12:3 Iomraidhean Croise

2.Tamuera 10:18

Ao a buaka kaain Aram, ma a biri nako mairouia Iteraera. E tiringiia itibubua taani kabuti taiani kanibuaka ao abwi tengaa taani buaka mai aoia aoti. Ao e bon tiringa naba Tiobaka, ma mataniwiin aia taanga ni buaka.

2.Uea 7:6

Ao ngke a tabe ni m'ananga nakon te maeka, ao te UEA e karikiia kaain Turia b'a a na ongo te karongoaa ae kaanga karongoaan te taanga ni buaka aika taan toka i aoia aoti aika a rangi ni m'aiti.

2.Rongorongo 14:12

E buokiia Ata ma ana taanga ni buaka te UEA ni kataenikaiia kaain Itiobia. A biri nako tautia,

2.Rongorongo 14:8

Bon iai ana taanga ni buaka Ata e korakora aika a ninikoria: Tenibubua te ngaa mai buakoia bon man te baronga are Iuta ao iai otangaia ao aia kainiwai n tatabemaniia nako; uabubua wanibwi te ngaa man te baronga are Beniamin ao iai aia kainikatebe ao aia kanoanikatebe.

2.Rongorongo 14:9

E kaira te taanga ni buaka Tera are kaain Itiobia ae m'aitina teuana te mirion tautiana ao tenibubua taiani kaanibuaka nakon te kaawa are Maretia i Iuta.

2.Rongorongo 16:8

Uringa aron korakoran ana taanga ni buaka Itiobia ao Rubim, ma aia kanibuaka ni kabane ao taan buaka i aoia aoti! Ko onimakina ngkoa te UEA b'a e na buokiko, ao e anganiko te tokanikai i aoia.

Itaia 43:3

Ngai te Uea, ae Atuam. I anga Aikubita, Itiobia, ao aonon Tieba b'a oneani mwiim.

Etekiera 30:5

A kaboaki tautia mai Itiobia, Ribia, Riria, Arabia, Kuba, ao ai uana naba ma Iteraera, b'a e na mate n te buaka anne.

Taniera 11:43

E na uotiinako kaub'ain Aikubita ake a karabaaki aika koora ma tirewa, ao b'aai nako aika a kakaawaki. E na kataenikaia Ribua ma Itiobia.

Naum 3:9

A mena naba Itiobia, ao Aikubita b'a akea tokin m'aakana; e itabon ma Ribia.

Te Kaotioti 9:16

Ao I ongo b'a m'aitiia taani buaka ake a toka i aoia aoti bon uabubua te mirion.

Tani Motiki-taeka 4:13

ao e weteia ana taanga ni buaka ni botiia, ao e katauraoi 900 taiani kaanibuaka ni kabane. Ao e kairiia nako ana taanga ni buaka mai Aroteta A Koiim nakon te Karaanga are Kition.

1.Tamuera 13:5

Ao a bootia aia taanga ni buaka kaain Biritia b'a a na buakaniia Iteraera. M'aitin aia kanibuaka bon 3,000 6,000 taani buaka i aoia aoti, ao a rangi ni m'aiti aia tautia ake a nakonako i aon waeia kaanga ai aron m'aitin tanon te bike. A nako Mikemati ao a katea aia kaemb'a i Beta Awen.