Bon iai ana taanga ni buaka Ata e korakora aika a ninikoria: Tenibubua te ngaa mai buakoia bon man te baronga are Iuta ao iai otangaia ao aia kainiwai n tatabemaniia nako; uabubua wanibwi te ngaa man te baronga are Beniamin ao iai aia kainikatebe ao aia kanoanikatebe.
E kaira te taanga ni buaka Tera are kaain Itiobia ae m'aitina teuana te mirion tautiana ao tenibubua taiani kaanibuaka nakon te kaawa are Maretia i Iuta.
Ma e kauringa Ieotiab'ata te burabeti are Erietera ni kaangai, “E na urui taiani kaibuke aikai te UEA i bukina b'a ko a tia ni boutokaa Aatia.” A na koro taiani kaibuke ao a na aki manga konaa n ieie.
Ngke e uea Utia, ao e waakina te buaka ni kaitaraia kaain Biritia. E urui oon taiani kaawa aika a buubura ake Kata, Iabene, ao Atota, ao e a manga karaoi taiani kaawa ake i rarikin Atirota ao ni m'akoron Biritia ake tabeua.
Aikai kaawan te kawanua ni m'akoro are e anganaki naba te baronga are Iuta b'a abaia; kaawa ake n taabo ake a rietaata i mainiku i maiakin aaba ake a tabukibuki aika kaawa aika: Maon, Karemera, Tiba, Iuteta, Ietireera, Tanoa, Kain, Kibea,
Ao e tiku ni karabaa Tawita n aaba ake a tabukibuki, n te rereua are i rarikin Tiba. Ao e a m'aiti te tai ae e kuri n reke iai iroun Tauro, ma E aki anga Tawita te UEA nakon Tauro.
Ao a nako tabeman mai Tiba nakon Tauro i Kibea ao a taku, “Are e karabaa Tawita i aban Oreti n te Maunga are Akira, ni m'akoron rereuan Iuta are i maiaki.
