2.Rongorongo 11:23 - Te B'aib'ara

²³ E wanawana Reoboam ngke e kamanenaia natina m'aane b'a a na tararuai kaawa ake a nonoaki n tatabeua nako i nanon abanueana. E anganiia ni b'aai ni kabane ake a tangiri ao e karekei buuia n tatabemaniia nako.

2.Rongorongo 11:23 Iomraidhean Croise

Karikani B'aai 25:6

Ma ngke e boni maiu, ao e anga naba taiani b'ai n tangira nakoia natina mm'aane ma buuna ni kewe ake tabeman. Ao e kanakoia natina mm'aane aikai nakon aaba ake i mainiku, ni kararoaia ma natina te mm'aane are Itaaka.

2.Rongorongo 11:22

ma ngaia are, e rinea aia karimoa te m'aane are Abiia b'a te uea i mwiina.

2.Rongorongo 11:5

E tautaeka Reoboam mai Ierutarem, ao e onei kaawa ake a buubura tabeua i Iuta b'a taian nono b'a e aonga ni konaa ni kabonganai i bukin totokoan abana. Taiani kaawa ake a buubura akekei bon

2.Rongorongo 12:1

N te tai ae e aki maan ngke e a tia Reoboam n taua taekan abanueana, ao e a manga aki ongotaeka iroun te UEA ngaia ma kaain Iuta ni kabane.

2.Rongorongo 21:3

Ao Ieotiab'ata, e anganiia n tatabemaniia nako aia tirewa ma aia koora, n reitaki ma b'aintangira aika a kakaawaki. E bon anganiia naba tabeia b'a taan tararuai kaawan Iuta ake a nonoaki, ma e a tia n rinea natina te m'aane are te karimoa are Ioram b'a e na onea mwiina ni uea.

Ruka 16:8

Ao te mataniwi, e kamoamoa te manatia are e aki b'aina te eti i bukin iangoraoina; b'a a wanawana riki natin te aonnaba aei n aroia n reitaki ma aia roro nakoia natin te oota.