2.Rongorongo 11:15 - Te B'aib'ara

¹⁵ E a manga bon karekeia ana ibonga Ieroboam b'a taani m'akuri n taiani baangota ake baangotan te aba i Iteraera ao n taabo n taromauri ake e a tia ni kateaki iai bouanantin te kooti are te anti ao taian kao ataei.

2.Rongorongo 11:15 Iomraidhean Croise

1.Uea 12:28

Ao e bubutiia taan iango b'a a na buokia n tuanga arona, ao i mwiina, e a karaoi uoua taiani kaoteteei aika koora. E kaoti nakoia aomata ao e taku, “Kakauongo aomata ni kabane. Kam a riai n aki manga nako Ierutarem n taromauri. Ao aikai atuami ake a kamaiungkami mai Aikubita.”

1.Uea 12:31

Ao e karaoi taabo n taromauri aika a uarereke n taian baangota. Ieroboam, ao e rineia m'aane aika akea rekerekeia ma te baronga are Rewi b'a a na m'akuri b'a ibonga.

1.Uea 13:33

Ma e bon teimatoa naba Ieroboam ni karaoi m'akuri aika a buakaka. E rineia m'aane tabem'aang b'a a na riki b'a ibonga i bukin baangota ake i abaia, e ngae ngke bon tiaki kanoan Rewi. E a karaoia b'a e na konaa n riki n ibonga te aomata ae e tangiria ni kan riki b'a te ibonga.

1.Uea 14:9

Ko a tia n rangi ni kamaraka nanou, ngke ko kaaki taekau; ao ko karaoi bouananti man te koora. Ieroboam. Ko a tia ni karaoa te m'akuri ae moan te buakaka riki nakon are a tia ni karaoia uea ni kabane ake mai i m'aaim.

2.Rongorongo 13:8

Ko taku ngkai b'a ko konaa ni kaaitaraa te abanuea are e a tia te UEA n angan Tawita ma ana kariki ngkoe ma am taanga ni buaka ane e korakora anne. Bon akanne antim ao akea riki, akana bannan taian kao ataei aika koora, ake e karaoi ngkoa Ieroboam i bukim.

2.Rongorongo 13:9

Ao bon akea naba ana kariki Aaron n ami itera, i bukina b'a kam kakioia nako ana ibonga te UEA ao kanoan Rewi. Ao ko a manga rineia aomata n aki akaaka b'a a na manga riki b'a ibonga n onea mwiia, n aron are a karaoia botannaomata ake ianena. Ni bon koauana, ao a boni konaa n riki b'a ibonga aomata ni kabane akana a uoti aia kao ao itiman taian tiibu m'aane nakon te baonikarea nakoia akana a aranaki b'a antim.

Te Otinako 32:31

Ao e okirikaaki Moote nakon te UEA ao e taku, “A tia aomata ni karaoa te bure ae rangi ni kakamaaku. A tia ni karaoa te koora b'a te bouannanti are e na riki b'a antiia.

Otea 13:2

Ao ngkai ko teimatoa naba ni karaoa te bure n arom ni korotamnei ma ni karaoi taian bouannanti aika taian tirewa aika bannan taian kao ataei. Ko tuangaki b'a ko na anga karea nakon taian bouananti aikai eng, ao ni kiiti naba ma ngaiia.

Nakoaia Ibonga 17:7

E riai ni kakaonimaki te I-Iteraera n toki man titiringan ana karea are e kaakarean nakon antin te kooti. E na kawakina te tua aei te I-Iteraera ni karokoa taai aika a na roko.

Te Tua-Kaua 32:17

Kam angakarea nakoia taimonio, ao bouananti aika akea bonganaia aika aki kona ni buokingkami, atua aika boou aika tuai man taromauriaki irouia ami bakatibu

1.Timoteo 4:1

E taetae te Tamnei are Raoiroi ni kaotia raoi b'a ni boong aika kabanea ni boong, ao bon iai tem'aangina aika na kaaka taekan te onimaki; ao ane a na iri nanoia tamnei aika bureburea te aba, ma aia reirei taimonio,

Te Kaotioti 16:14

bon tamneia taimonio aika kakaraoi kanikina; ao a kawariia uea nako i aonnaba, b'a a na ikotiia nakon te buaka n te Bong are kakannato are ana bong te Atua ae Moan te M'aaka.