2.Rongorongo 10:2 - Te B'aib'ara

² Ao e ongo taekan te b'ai arei Ieroboam are natin Nebata te m'aane, ao e a manga oki nako Aikubita, ike e nako iai ni karabaa ngkoa mairoun Toromon.

2.Rongorongo 10:2 Iomraidhean Croise

1.Uea 11:26

Boni kaain te kaawa ae Tereta i Eberaim teuae Ieroboam. E a tia ni mate tamana are Nebata, ma e boni maiu tinana are Nei Terua. Bon temanna naba ngaia ana aobitia Toromon, e ngae ngke e aki toki ni kakaitaraa Toromon.

1.Uea 11:28

ao Toromon e noora Ieroboam b'a te aomata ae e marurung ni m'akuri. Ma ngaia are, e rinea Ieroboam b'a te tia tararuaia taani m'akuri mani Manate ao Eberaim.

1.Uea 11:40

Ao Toromon ngke e a ataa te b'ai are E tuanga Ieroboam te UEA, e a kakaea angan tiringan Ieroboam. Ma e birinako Ieroboam nakon Titiaka are uean Aikubita, ao e a bon tiku naba ikekei ni karokoa maten Toromon.

1.Uea 12:2

Ao e ongo te b'ai are e riki Ieroboam are natin Nebata, ao e tiku i Aikubita, te tabo ike e karabaa ngkoa iai mai iroun Toromon.

2.Rongorongo 10:3

Ao a kanaanako weteana kaain te baronga are Iteraera meang. Ao i mwiina, a bon bootaki ni m'ananga nakon Reoboam ao a taku nako ina,

2.Rongorongo 9:29

Ao b'aai ni kabane ake e karaoi Toromon i nanon ana tai ni uea a bane ni koreaki n ana Rongorongo Natan are te burabeti, Aiia are te burabeti mai Tiro, ao Ito are te burabeti are e korea rongorongon Ieroboam are natin Netaba te m'aane.