2.Rongorongo 1:11 - Te B'aib'ara

¹¹ Ao E kaeka te Atua: Toromon, I taku b'a ko na bubutiai b'a n na karikiko b'a te kaub'ai ae e kakannato, ke n na kanaanaua maium. Ke ko na butiai b'a n na kamaunaiia am kairiribai, ma ko aki b'a ko butiai b'a n na anganiko te wanawana ma te rabakau n tautaekaniia au aomata.

2.Rongorongo 1:11 Iomraidhean Croise

1.Uea 10:24

A bane aomata nako mani botan-aomata nako ni kan ongora n ana taeka n rabakau, ake E a tia n anganna te Atua.

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

1.Uea 8:18

ao E taku te UEA, “E rangi n raoiroi ngkai ko iangoa karaoan te Tembora ae N na taromauriaki iai.

1.Rongorongo 28:2

Ngke a bane aomata ikekei, ao e teirake Tawita ao e taku: Ongora irou, au aomata. I tangiria ni karaoa te tabo ike e na kaawakinaki iai te Atiniberita, b'a ti aonga ni konaa n nako n taromauria te UEA ae Atuara iai. I a tia ni katauraoi b'aai ni kabane i bukin karaoan te Tembora,

2.Rongorongo 1:12

Ma ngaia ae, N na kawanawanako man anganiko te ataib'ai. Ma N na bon karikiko naba b'a te aomata ae moan te kaub'ai mani kakannato riki nakoia uea ake mai m'aaim ao akana i mwiim.

Taeka n Rabakau 14:8

Akea aia kangaanga aomata aika a wanawana ngkana a kakaaea kawaia, ma a waekoa ni bua aomata aika a nanobaba.

Taeka n Rabakau 23:7

B'a aomata aika aron aikanne a tabe ni wawareka m'aitin ae kam a tia ni kanna. A na kaangai, “Anai ni kabane akana kam bon taku!” ma a bon aki nanona ane a taekinna.

Taeka n Rabakau 8:15

A kairiiri taiani uea ni m'aakau ao a karaoi taian tua taan tautaeka aika a eti.

M'akuri 5:4

Ngke e tuai ni kaboaki, tiaki bon abam? Ao ngke e a tia ni kaboaki, ao tiaki b'a bon am b'ai m'anena? E aera ngkanne ngkai ko karekea i nanom b'a ko na karaoa aei? ko aki kewe nakoia aomata, ma ko kewe nakon te Atua!”

Ebera 4:12

B'a e maiu ana taeka te Atua, ao e m'am'akuri ao e kakang riki nakoni kabaang aika uaitera wiia ni kabane, ao e ewara nako te aomata nakon te tabo are a kaitibo iai te maiu ma te tamnei, ao taian toma n ri ma kanoan ri; ao e atai raoi ana iango te nano ma baika riki iai.

Iakobo 3:13

Antai te aomata ae rabakau ae atatai i buakomi? E na kaotia ni maiuna ae e raoiroi ao n ana m'akuri aika raraoi aika e karaoi ma te nimamannei ao te rabakau.

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

1.Tamuera 16:7

Ma E taku te UEA nako ina, “Tamuera, ko na tai taku b'a ngaia ae na rineaki i bukina ngke a ab'ab'aki ao e botonim'aane. Bon tiaki ngaia ae rineaki. A karaoa aia rinerine aomata man tarakiia, ma I karaoa Au rinerine ma taraan nanoia.”