2.I-Tetaronike 3:8 - Te B'aib'ara

⁸ ao ti aki n ae ti am'arake ao ti aki kabooa karara mairoun are ti karekea i rouna. Ma ti rangi ni kakorakoraira ni m'akuri n te bong ao n te ngaina, b'a ti aonga n aki karawawata temanna i buakomi.

2.I-Tetaronike 3:8 Iomraidhean Croise

2.Uea 6:2

E aera ngkai ti aki karaoa riki ara tabo ni boowi ae e boou n te tabo teuana i rarikin te Karaanga are te Ioretan? Ti konaa ni karekei ara kai n tatabemaniira nako ma ni karaoia.” Ao e taku Eritai, “E rangi n raoiroi te iango anne. Waakina karaoana.”

Neemia 5:18

E katauraoaki temanna te kao, onoman taian tiibu aika a rangi n tamaroa, ao taiani moa aika a rangi ni m'aiti n teuana te bong. Ao e rooroko te wain ae moan te korakora ni katoa tebwina te bong, I ataia b'a bon te uota ae e rawaawata aei nakoia aomata, ma ngaia are, I aki tangira bakaon te am'arake n aroia koowana.

Taeka n Rabakau 31:27

E tararuaia raoi ana utu ao e aki konaa n taningaroti.

Mataio 6:11

Ko na anganira karara ae ti a tau iai n te bong aei.

M'akuri 18:3

ao e mamaeka ma ni m'akuri ma ngaiia, b'a kioina ngke ti te bo nakoaia: b'a taani karaoi um'anrianna ngaiia.

M'akuri 20:34

Kam bon ataia b'a baiu aikai, ngaiia aika m'am'akuri ni kareke baika I kainanoi, ao ni kareke naba baika a kainanoi aomata ake a mena i rou.

1.I-Korinto 4:12

ao akea motirawara ni m'akuri ma baira. Ngkana a taetae n iowawa aomata nako ira, ao ngaira ti taetae ni kakab'aiaia; ngkana ti b'ainikirinaki, ao ti taotaon nanora.

1.I-Korinto 9:4

Akea ara riai b'a ti na am'am'arake ma ni momooi i bukin ara m'akuri?

2.I-Korinto 11:27

ao kanganga naba man te m'akuri ae kakua, te aki mamatu n tairiki aika bati, te baki ma te taka, te aki mamatam i nanon taai aika bati, te mariri, ao aki tauni m'aitini kunnikaiu i aou.

2.I-Korinto 11:9

Ngke I mena i roumi ao I bon aki karawawata temanna ngkana iai te b'ai ae I kainanoia: b'a te bae I kainanoia e a reke mairouia taari ake a nako mai M'aketonia. I a tia ni kawakinai b'a N na aki riki b'a te b'ai ni karawawata ngai nako imi ni b'aai ni kabane, ao N na manga boni kawakinai naba maiai.

I-Ebeto 4:28

Ke e tai manga iraa te tia iraa; ma e na m'akuri, ni karaoa te bae raoiroi ni baina, b'a e aonga ni kona ni buokanib'ai n are e karekea ma ane e kai nanona.

1.I-Tetaronike 2:9

Taari, kam bon uringa ara m'akuri b'a e kakua ao e kanganga; ngke ti m'akuri n te bong ao n te ngaina, b'a ti aonga n aki karawawata temanna i buakomi n ara tai n tataekina ana euangkerio te Atua nako imi.

1.I-Tetaronike 4:11

Kam na kataa ae kam kona b'a kam na rau, ao kam na karaoi oin tabemi; kam na m'akuri ni baimi, n ai aron are ti tuangngkami.

2.I-Tetaronike 3:12

Ti tuangiia ma ni butiia aomata akana aroia aikai, n aran te Uea are Iesu Kristo, b'a a na karau aroia ao a na m'akuri b'a a aonga ni kang oini kanaia.