2.I-Tetaronike 3:1 - Te B'aib'ara

¹ Te kabanea ngkanne: taari, kam na tataro i bukira b'a e na waekoa ni buta nako ana taeka te Uea, ao e na butim'aeaki ni karineaki, n ai aroarona naba i roumi.

2.I-Tetaronike 3:1 Iomraidhean Croise

Taian Areru 138:2

I bobaraaki ni kaitaraa am Auti are te Tembora are Tabu, ao I neboa Aram i bukin am Tangira ae akea tokina ma am Kakaonimaki, Ao i bukina b'a Ko a tia ni kaotia ae e moamoa riki Aram ma am Taeka nakoni b'aai ni kabane.

Mataio 9:38

Ma ngaia ae kam na butiia Teuare ana b'ai baikai b'a E na kanakoia taani m'akuri b'a a na rikoi ana uaa.”

Ruka 10:2

Ao E taku nako ia, A m'aiti uaa aika a bo taiia n rikoaki, ma a karako taani m'akuri. Ma ngaia ae kam na butiia Teuare ana b'ai baikai b'a E na kanakoia taani m'akuri b'a a na rikoi ana uaa.

M'akuri 12:24

E a buta nako riki ana taeka te Atua, ao a bati riki aomata aika kaeka i nanoia.

M'akuri 19:20

Ao e buta nako ana taeka te UEA n te aro anne, ao a bati riki aomata ake a onimaki.

M'akuri 6:7

E buta nako ana taeka te Atua, ao a bati riki ake a ongo ao a onimaki: a kabatiaki m'aitiia aomata ake a onimaki i Ierutarem, ao a m'aiti aia koraki ibonga ake a butim'aea taekan te euangkerio.

I-Rom 15:30

I bubutingkami, taari, i bukin ara UEA are Iesu Kristo ao i bukin te tangira are mairoun te Tamnei, b'a kam na kakorakoraingkami ma ngai n tataro nakon te Atua i buku,

1.I-Korinto 16:9

b'a e uki nako iu te mataroa ae warebwe ae kamateraoi i bukin te m'akuri, ao a bati kairiribai.

2.I-Korinto 1:11

ngkai kam buokira n tataro i bukira, b'a a aonga n tataro ni katituaraoi i bukira aomata aika bati i bukin te kab'aia are ti anganaki b'a kaekaan taian tataro aika bati.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

I-Korote 4:3

ao kam na tataro naba i bukira, b'a E na karekea nako ira te anga are ti na kona iai n taekina te rongorongo are taekan te baere raba are taekani Kristo, are ngaia, are I kabaeaki iai i bukina;

1.I-Tetaronike 1:5

b'a te euangkerio are ti taekinna e aki roko i roumi n ti te taeka, ma e roko naba n te m'aaka, ao iroun te Tamnei are Raoiroi, ao n te aki-nanokokoraki naba teutana; n ai aromi ngkai kam bon atai arora ni menara i buakomi i bukimi.

1.I-Tetaronike 1:8

B'a e aki ti katanoataki n aromi ana taeka te Uea i M'aketonia ma Akaia, ma e a tia naba n tanoata taekan onimakinan te Atua i roumi n taabo ni kabane; ma ngaia ae akea te bae kainanoaki b'a ti na taekinna.

1.I-Tetaronike 2:1

B'a kam bon ata rinra i buakomi, taari, b'a e aki matebuaka;

1.I-Tetaronike 2:13

Ao aei naba bukin te bae ti aki toki ni katituaraoa iai te Atua: b'a ngke kam butim'aea ana taeka te Atua mai roura, ao kam kaki i nanomi b'a tiaki aia taeka aomata, ma n etina ni koaua, bon ana taeka te Atua ane m'am'akuri i nanomi ngkami akana kam onimaki.

1.I-Tetaronike 4:1

Te kabanea ngkanne: taari, ti butingkami ma ni kaungaingkami iroun te Uea are Iesu, b'a ngkai kam a tia n reirei mai roura aromi ni maiu ae riai ae kakukureia te Atua, n aron ae kam b'ainna ngkai ni maiumi, ao kam na kabatia riki karaoana ni maiumi.

1.I-Tetaronike 5:17

ao tataro n taai nako,

1.I-Tetaronike 5:25

Taari, kam na tataro naba i bukira.

2.Timoteo 2:9

ae I kamarakaki i bukina ao I kabaeaki n taurekereke i bukina b'a kanga ai aron te kam'arua ngai. Ma e bon aki kabaeaki n taurekereke ana taeka te Atua.