2.I-Tetaronike 2:2 - Te B'aib'ara

² b'a kam na tai kam'aeieiaki n ami iango, ao kam na tai kakiriweaki irouia aomata aika taku b'a e a tia n roko ana bong te Uea. A kona n taku b'a tao a ongo aei mairoun te Tamnei are Raoiroi, ke mairoun temanna, ke a boni warekia n ara reta teuana.

2.I-Tetaronike 2:2 Iomraidhean Croise

Itaia 26:3

E anga te rau ae e tamaroa te UEA nakoia aika a matoa aia onimaki.

Itaia 7:2

Ngke e roko te rongorongo n ana bareti te uea ae a bootaki ana taanga ni buaka Turia ma Iteraera, ao e a rangi ni maaku te Uea are Aati ma aomata ni kabane i Iuta ao a ruru kaanga taian aroka n tain te angibuaka.

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Mareko 13:7

Ao ngkana kam ongo rongorongoni bo ni buaka aika kaan ma aika raroa nako, ao kam na aki maaku. Ane a na roko baikanne, ma e tuai n roko te toki.

Ruka 21:19

Ane kam na kareke maiumi n nanom'aakami.

Ruka 21:9

Ao ngkana kam ongo taekan taiani buaka ma kiriwe, ao tai maaku; b'a a riai n riki moa baikai, ma tiaki nanona b'a a kaotia n ae nangi roko ni waekoa te toki.”

Ioane 14:1

“A na tai rawawata nanomi; kam na onimakina te Atua, ao kam na onimakinai naba.

Ioane 14:27

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

1.I-Korinto 1:8

Boni Ngaia are na kateimatoaingkami naba ni karokoa te toki, b'a kam aonga n aki kabuakakaki n ana bong ara UEA are Iesu Kristo.

1.I-Korinto 14:32

A tauaki aroia tamneia burabeti irouia burabeti.

1.I-Korinto 7:26

Ngkai a kanganga boong aikai ao I taku b'a e raoiroi riki iroun te aomata b'a e na tiku n arona ae e mena iai.

I-Ebeto 5:6

E na tai m'am'anaingkami temanna n taeka aika akea bonganaia: b'a e roko unin te Atua i bukini baikai i aoia aomata aika aki ongeaba nakoina.

1.I-Tetaronike 3:3

b'a e na tai riki n aki rau nanon temanna n taian rawawata aikai. B'a kam bon ataia b'a boni katauara b'a ti na ri nanon te rawawata.

1.I-Tetaronike 4:15

B'a ae ti tuangngkami aei bon ana taeka te Uea: ngaira aika ti maiu aika ti tiku ni karokoa rokon te Uea ti na bon aki nako n rimoaia ake a tia ni mate.

1.I-Tetaronike 5:2

B'a kam bon ata ana bong te Uea, b'a e na roko n ai aron rokon te tia iraa n te bong.

2.I-Tetaronike 2:15

Ma ngaia ae kam na tei matoa, taari, ao kam na tauu taian taeka ake kam reireiaki iai, tao n ara taeka, ke tao n ara reta;

2.I-Tetaronike 3:17

Aio arou ni koroboki n oin taboni baiu: Kam na mauri mairouni B'auro. Aei arou n tiainai au reta, ao arou ni koro reta.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.