2.I-Tetaronike 1:9 - Te B'aib'ara

⁹ Te rekenikai nako ia bon te mate are akea tokina, ao a na kararoaki mai matan te Uea ao mani m'aakana ae kamimii arona,

2.I-Tetaronike 1:9 Iomraidhean Croise

Karikani B'aai 3:8

Ao ngke e moan tairiki i m'aain te roo, ao a ongongo m'akaikain waen te Atua ngke E nakonako i nanon te nne n aroka, ao a karabaia mai Rouna i buakon taian aroka.

Karikani B'aai 4:16

Ao E nako Kain mai matan te UEA, ao e maeka n te aba ae e aranaki b'a Tiotionako, are e mena i mainikun Eten.

Iobi 21:14

A tuanga te Atua aomata aika buakaka b'a e na katikuia i bon i rouia; a bon rawa ni kan ataa nanon te Atua i bukin maiuia.

Iobi 22:17

Aikai aomata aika rarawa nakon te Atua, ake a taku b'a akea te b'ai ae E kona ni karaoia te Atua nako ia.

Taian Areru 16:11

Ko na kaota nako iu te kawai are e nakon te maiu; E kaonai n te kukurei rokom ao e anganai te kakatonga n aki toki.

Taian Areru 51:11

Tai kanakoai mai matam, Ao tai kaira nako Tamneim ae Raoiroi mairou.

Itaia 1:28

Ma a na bane ni mauna nako, koraki aika taani kaaitaraa aika taani bure, aika a kamangao, Ngai te UEA.

Itaia 2:10

Kam na nako ni karabaingkami i buakon taiani b'a ao i aan te tano ngkami ni kabane, b'a e kakamaaku, e kamimii, ao e mimitong te UEA.

Itaia 2:19

E raoiroi riki ngke kam karabaingkami i nanon taian nangananga ni b'aa ma taiani b'angab'anga e na kakamaaku te UEA, ma n tamaroa, ao ni mimitong ngkana e roko ni ioioa te aonnaba.

Itaia 2:21

E na kakamaaku te UEA, man tamaroa, ao ni mimitong ngkana e roko ni kakamaakuia kaain aonnaba ane a na karabaia i nanoni b'angab'angan taiani b'a ao i aon taian tabuki.

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Itaia 66:24

A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Taniera 12:2

Ao ane a na m'aati aika a manga maiu aika a tia ni mate: tabeman a na kukurei n te maiu ae akea tokina, ao tabeman a na uti nakon te kamamaaeaki ae akea tokina.

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Mataio 22:13

E taku te uea ngkanne nakoia tooro, Kabae baina ma waena ao tewea nako nanon te roo are i ao, are te tabo ike a na tang iai aomata n tenai riaia b'a kaotan ae a rotaki n te maraki ae korakora.

Mataio 24:30

Ao ane na kaoti kanikinaean Natin te Aomata i karawa, ao ane a na bane n tang kaain aonnaba, ao a na nora Natin te Aomata b'a E nako mai aon nangini karawa ma te m'aaka ao te mimitong ae bati;

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mataio 25:46

Ao e taku Iesu, “Ane a na bane n nako nakon reken te kai are aki toki. Ma ake a raoiroi a na nako nakon te maiu are aki toki.”

Mataio 26:24

E ira nanon taekana Natin te Aomata n ai aron are e koreaki i bukina; ma e na reke kain te aomata are kam'anea Natin te Aomata! E raoiroi riki iroun te aomata anne ngke tao e aki bungiaki.”

Mataio 7:23

Ao Ngai N na kangai nako ia, Bon te akea reitakiu ma ngkami; naako mai Rou, ngkami aika kam tuai mani karaoa nanon te Atua.

Ruka 13:27

Ao ngaia e na kangai, “I tuangngkami b'a I aki ata reitakiu ma ngkami! Naako mai rou, ngkami ni kabaneingkami aika taani karaoa ae buakaka!”

Ioane 5:14

E aki rangi ni maan i mwin arei, ao Iesu E nora teuarei n te Tembora, ao E taku nakoina, “Noria, ko a tia ni kamaiuaki, ma ngaia are ko na aki manga bure, b'a e kaawa n riki nako im te b'ai ae buakaka riki.”

Te Tua-Kaua 33:2

E roko te UEA man te Maunga are Tinai E anga te oota mai Etom nakoia ana Aomata, ao e oota nako mimitongina man te Maunga are B'aran. Teuana tengaa Ana tautia aika raona, ao te ai i baina are te angaatai.

I-Biribi 3:19

Bon te mate tokiia, ao a atuani birotoia; a kamoamoaia ni baika a riai ni mamaa iai, ao ti te iangoi b'ain aon te aba.

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.

2.I-Tetaronike 2:8

ao i mwina ngkanne, e na kaotaki teuare te tia ri aon te tua, are e na kamateaki iroun te Uea are Iesu n ikeni wina, ma ni kamaunaki ni mimitongin rokona.

Tito 2:13

ngkai ti tataninga te bongi ni kab'aia are ti kaantaningaia b'a e na roko ngkana e kaoti mimitongin Atuara ae kakannato ma te Tia Kamaiu are Iesu Kristo.

Ebera 10:29

Tera ngkanne aron te aomata ae toutoua Natin te Atua i aani waena, ma n atoatonga te raraa are b'ain te boraraoi are kaitiakaki iai man te bure b'a te b'ai ae aki itiaki, ma ni kamatauningaa te Tamnei n akoi? Iangoia ngkanne b'a m'aitira riki te karawawataki are e na b'akaria b'a mwini motikan taekana!

2.Betero 2:17

Boni kanga m'anib'a aika akea te ran i nanoia te koraki aei, ao kanga mabubu aika buti b'a a ukaki n te ang ae baibati; e kawakinaki i bukiia neia n te roo ae rotongitong.

2.Betero 3:7

Ma karawa ma aon te aba aika iai ngkai a kawakinaki naba n ana taeka te Atua b'a kanaan te ai. A kawakinaki ni karokoa te bong are a na motikaki iai taekaia aomata aika akea reitakiia ma te Atua ao a na kamateaki.

Iuta 1:13

kanga naoni marawa aika kakamaaku ma aroia aika kamamaa aika noraki b'a kanga buroburon naao; kanga itoi aika tiotio nako, aika e kawakinaki i bukiia neia n aki toki n te roo ae rotongitong.

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.

Te Kaotioti 20:14

Ao te Mate ma Eriti a teweaki nako nanon te nama are te ai. (Aei te mate are te kauoua, ae te nama are te ai.)

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.