2.Ioane 1:5 - Te B'aib'ara

⁵ Ao I butiko ngkai, ngkoe ae te aine ae ko karineaki, b'a ti na i tangitangiri: I aki koroia nako im b'a te tua ae boou, ma bon te tua are reke i roura ma ngke ti moa n riki b'a Kristian.

2.Ioane 1:5 Iomraidhean Croise

Ioane 15:12

Aio au tua: kam na i tangitangiri, n ai arou ngkai I tangiringkami.

Ioane 15:17

I tuangngkami aei: kam na i tangitangiri.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

1.I-Tetaronike 4:9

Akea kainanoan te koroboki nako imi i bukin aromi n tangiriia raomi ni Kristian: b'a kam a bon tia n reireiaki iroun te Atua b'a kam na i tangitangiri;

Ebera 13:1

Ke e teimatoa aroia n i tangitangiri taari.

1.Betero 4:8

Ma e a moamoa i aoni b'aai ni kabane b'a kam na kabatia te i-tangitangiri; b'a e rabuni buure aika rangi ni bati te tangira.

2.Betero 1:7

n raona maiumi ni Kristian n akoaia raomi n onimaki; n raona akoaia raomi n onimaki n te tangira.

1.Ioane 3:11

B'a aio te taeka are kam ongo ma ngke kam moa n riki b'a Kristian, b'a ti na i tangitangiri;

1.Ioane 3:23

Ao aio ana tua, b'a ti na onimakina aran Natina are Iesu Kristo, ao ti na i tangitangiri, n ai aron taekan te tua are E anganira te Atua.

1.Ioane 4:20

Ngkana e kangai temanna, I tangira te Atua, ao ngkana e ribaa tarina, ao bon te tia kewe ngaia; b'a ane aki tangira tarina ae e a tia n noria, ao e aki kona n tangira te Atua ae e tuai noria.

2.Ioane 1:1

Mairoun te unimm'aane nakon te aine ae karineaki ae rineaki ma natina akana I tangiriia ni koaua; ma tiaki ti ngaia, b'a a tangiraki naba irouia ni kabaneia ake a ata te koaua;