2.Betero 3:7 - Te B'aib'ara

⁷ Ma karawa ma aon te aba aika iai ngkai a kawakinaki naba n ana taeka te Atua b'a kanaan te ai. A kawakinaki ni karokoa te bong are a na motikaki iai taekaia aomata aika akea reitakiia ma te Atua ao a na kamateaki.

2.Betero 3:7 Iomraidhean Croise

Taian Areru 102:26

A na bane ni mauna, ma Ko teimatoa; ane a na mangaingai kanga te kunnikai. Ko onikia kanga ai aron te kunnikai, ao ane a na bane n akea rab'ataia.

Taian Areru 50:3

E nangi roko Atuara, ao E na aki kainab'aabu; E ri moana te ai ae ura m'aaka, Ao E otab'aniniaki rarikina n te ang ae matoatoa karena.

Itaia 51:6

Karaua n taraa karawa! Tarai aonnaba. E na mauna nako karawa kaanga te bubu; ao e na mangaingai te aonnaba kaanga taiani kunnikai. A na bane ni mate aomata aika i aon te aonnaba kaanga taian nango. E na akea tokin au tokanikai; ao e na teimatoa m'aakau ni kakamaiu.

Itaia 66:15

E na ruorikaaki te UEA kaanga te ukeukenanti ao a na kaanibuaka aika taian ai. E na rangi n un ao ni katuaaia ana kairiribai n te ai.

Taniera 7:9

Ngke I bon tabe ni mamataku, ao e katukaki te kaintoka ni motikitaeka ni nnena. Ao e tekateka i aona Teuare e maiu n akea tokina. A mainaina kunnikaina n ai aron te tinoo, ao irana kaanga ai aron buraen te tiibu ae e boou. E toka ana kai ni motikitaeka i aon wiira aika taian ai aika a ura,

Teb'ania 3:8

“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Mataio 10:15

E koaua ae I a tuangngkami b'a e bebete riki te rekenikai are na reke nakoia I-Totom ma I-Komora, n te bongi ni motikitaeka, nakon are na reke nako ia.

Mataio 11:22

Ma I taku nako imi, b'a e na bebete riki te rekenikai are e na reke nakoia I-Turo ma I-Titon nakon are e na reke nako imi n te bongi ni motikitaeka.

Mataio 11:24

Ma I taku nako imi, b'a e na bebete riki te rekenikai are e na reke nakoia I-Totom nakon are e na reke nako imi n te bongi ni motikitaeka.”

Mataio 12:36

I tuangngkami, b'a n te bongi ni motikitaeka, ao aomata akana a na kab'arab'arai bukin taeka nako ake akea maneia ake a atong;

Mataio 24:35

A na mauna karawa ma aonnaba, ma a na aki kona ni mauna au taeka.

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mareko 6:11

Ao ngkana kam kawara te kawa teuana ma a aki butim'aingkami kaaina ao a aki kan ongora i roumi, kitanna ao taei bubun aontano mai waemi b'a te b'ai ni kakoaua nako ia b'a a aki mutiakiningkami.”

Ioane 12:48

Ane rawa nako iu, ao e aki kaaki i nanona au taeka, ao bon iai ae na motika taekana: taeka ake I atong a na riki b'a b'aini motikan taekana n te kabanea ni bong.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

1.I-Korinto 3:13

ao ane e na noraki mwin ana m'akuri temanna ma temanna b'a aekara n te bong arei: b'a e na kaotaki n te ai are na katai aia m'akuri nako b'a ua ra.

I-Biribi 1:28

ao kam na tai maku n te b'ai teuana irouia ake a ekingkami nako. Aromi aei bon te b'ai ni kakoaua nakoia b'a a na boni konaaki, ao nakoimi b'a kam na bon tokanikai, b'a te baei boni mairoun te Atua.

2.I-Tetaronike 2:3

E na tai burebureingkami temanna n te aro teuana: b'a e bon aki kona n roko te bong arei ngkana e tuai n roko moa te tai are a na ekaanako iai te Atua aomata aika bati, ao ngkana e tuai ni kaoti teuare buakaka, are kanan te mate.

1.Timoteo 6:9

Ma akana kan riki ni kaub'ai a b'aka nako nanon te kaririaki, a m'ane n te b'ai ni kam'am'ane, ao a reke n naano aika baba ma ni kamaraki, aika taonaki ni kab'ab'aaki iai n tiringaki ma ni kamateaki.

Ebera 12:29

b'a Atuara ai aron te ai ae kamamate.

2.Betero 2:9

Ma ngaia ae te Uea E ata aroni kamaiuaia man te kaririaki, aomata aika reitaki ma Ngaia, ao te aro ae E na tauia iai akana buakaka i aan te karawaawataaki i m'ain te bongi ni motiki-taeka;

2.Betero 3:10

Ma ane e na roko ana bong te Uea n ai aron rokon te tia iraa; n te bong anne ao e na mauna iai karawa ma te rurunga ae korakora, ao a na bue b'aai ma ni mauna nako aroia; ao aonnaba ma kanoana a na kuneaki.

2.Betero 3:12

ngkai kam tataninga ana bong te Atua ma ni bareka rokon te bong are e na bue iai ma ni mauna nako karawa, ao a na riki n ran b'aai n te kabuebue!

1.Ioane 4:17

N te aro aei ao e kakororaoaki raoi iai te tangira i roura, b'a ti aonga n aki maaku n te bongi ni motikitaeka: b'a kioina ngkai ti te bo aroni Kristo ma arora i aon te aba aei.

Iuta 1:7

n ai aroia kaain Totom ma Komora ma kaawa ake i rarikiia, ngke a kitan aroia ake a katauaki iai n ai aroia anera akekei, ao a karaoi aaro ni kammaira aika bobuaka ma te iango; ao a riki b'a te b'ai n reirei nakoia aomata ni kabaneia, ngkai a reke kaiia n te ai ae m'aka are akea tokina.

Te Kaotioti 17:11

Ao te man are iai ngkoa ma akea ngkai, bon te kawaniman, are temanna i buakoia ake itiman; ao e nako n te kamateaki.

Te Kaotioti 17:8

Te man are ko noria bon iai ngkoa, ma akea ngkai: ao e nangi rierake mai Abuto, ma n nako n te kamateaki. Ao a na mimi akana maeka i aon te aba, akana aki koreaki araia ni bokin te maiu ma ngke a moa ni karikaki aonnaba, ngkana a nora te man arei b'a bon iai ngkoa ma akea ngkai, ao b'a e na manga kaoti.

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.

Te Kaotioti 21:1

Ao I nora karawa ae boou ma aonnaba ae boou; b'a e a tia ni mauna te moa ni karawa ma te moa n aonnaba, ao ai aron naba marawa.