2.Betero 3:3 - Te B'aib'ara

³ Aio moa ae na ataaki, b'a ni boong aika kabaneani boong, ao a na roko taani kakaniko ni kakaniko n aroni kairaia n oin nanoia ni kaib'ab'aru,

2.Betero 3:3 Iomraidhean Croise

Taeka n Rabakau 1:22

“Tao maanra riki ngkami ni kukurei ni maiumi ae e nanobaba? E aera ngkai kam aki katoka te kakaniko ma ngareakinan te rabakau?

Taeka n Rabakau 14:6

B'ainingarea te wanawana ao e na aki reke iroum. Ma ngkana iai iroum te ataib'ai, ao e na beebete rokon te rabakau.

Taeka n Rabakau 3:34

E kaenaena te UEA nakoia akana a kaenaena naba, ma e akoia ni kabane aika a nanorinano.

Itaia 28:14

Bon akea te b'ai ae kam karaoia b'a ti te b'ab'ainingare; ao ngkai kam a riai ni kakauongo n te b'ai ae e taekinna te UEA.

Itaia 29:20

A na bane aika a iowawa ma aika a kainikatonga n nako n aki manga oki. Ao a na mauna nako aika maiuakina te bure,

Itaia 5:19

Ao kam taku, “Ke e kawaekoaa Atuan Iteraera ae e tabu ni karaoa te b'ai are e a tia ni berita iai, b'a ti aonga ni bon nooria ngaira.”

Otea 7:5

A koro ni manging ana mataniwi n te bong are e katokaaki iai ana baunuea aia uea, ao e a manga ira burababaia.

Ioane 12:48

Ane rawa nako iu, ao e aki kaaki i nanona au taeka, ao bon iai ae na motika taekana: taeka ake I atong a na riki b'a b'aini motikan taekana n te kabanea ni bong.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

2.Timoteo 3:1

Ma ko na ata aei, b'a ane a na roko taai aika kamamate ni boong aika kabaneani boong.

Ebera 1:2

ao ni boong aikai aika kabaneani boong, E taetae nako ira iroun Natina, are E a tia n rineia b'a te tia b'aib'ai ni b'aai ni kabane, ao are E karaoa te aonnaba ae b'anin i Rouna;

2.Betero 1:20

Te b'ai ae moamoa riki b'a kam na ata aei: b'a akea te taetae ni burabeti n te B'aib'ara ae konaaki ni kab'arab'araaki nanona iroun te aomata temanna n ti ngaia;

2.Betero 2:10

ai moara riki te koraki ake a iri nanon rab'ataia ni karaoi m'akuri ni kaib'ab'aru aika kam'ara, ma n rawa n tauaki aroia: te koraki n ninikoria aika kainikatonga, aika aki maku n taetaebuakaia akana neboaki.

1.Ioane 2:18

Ataei, aei te kabanea n aoa; ao n aron are kam ongo b'a e nangi roko ana kairiribai Kristo, ao bon iai ngkai ana kairiribai Kristo aika bati aika kaoti. Ma ngaia ae ti ataia iai b'a aei te kabanea n aoa.

Iuta 1:16

Bon taani b'angantaeka te koraki aei, ao taani ngurengure ma taan iri oin nanoia ni kaib'ab'aru; taan taetae ni kainikatonga, ao a kamoamoaia aomata ni karangiia b'a a aonga n reke i rouia baika tangiri.

Iuta 1:18

B'a a kangai nako imi: “N te tai ae te kabanea n tai, ao a na roko taani kakaniko, aika aomata aika iri oin nanoia ni kaib'ab'aru aika akea i rouia karinean te Atua.”