2.Betero 3:16 - Te B'aib'ara

¹⁶ Aei te bae e taekinna n ana reta ni kabane ngke e koroi taekani baikai iai. Iai b'aai tabeua n ana reta aika aki kai ataaki, aika kab'araki ni kab'aouaki nanoia irouia aomata aika nano roo ma aika nano tiotio, n ai aron naba are a karaoia nakon taekan te B'aib'ara tabeua. Karaoan aei i rouia boni karekeani mateia.

2.Betero 3:16 Iomraidhean Croise

Karikani B'aai 49:4

Kanga ai aron te raanga n ran ae buriti airana ngkoe, Ma ko na aki rangi ni kakannato, B'a ko matu ma buu ni kewe Ko bon aki karinea ana kainiwene tamam.

1.Uea 10:1

Ao e ongo te ueanaine are i Tieba tanoatan rongorongon Toromon, ma ngaia ae e nako Ierutarem b'a e na kataia n titiraki aika a matoatoa.

Taian Areru 56:5

A kariki kaangaanga nako iu aiau ni kabongnga; A aki toki ni kakaei aaro aika N na kabuanib'ai iai!

Te Otinako 23:2

Tataekina te koaua n taai nako i nanon tain te kabowi, e ngae ngkana a bane aomata n karaoa te raoiroi ao n tei ni kawain te motikitaeka ae eti.

Te Otinako 23:6

Kam na kakoauaa raoi b'a a anganaki te motikitaeka ae eti raoi n te kabowi aomata aika kainano.

Ieremia 23:36

E taraa n ae bon iai ami rongorongo n tatabemaningkami nako! Ma ngaia are, ngkana kam kaangai, “Aio te rongorongo mai roun te UEA,” kam a kab'aoua Au rongorongo nakon te kewe. Ururingnga b'a bon Atuam Ngai, te UEA ae Moan te M'aaka.

Ab'akuka 1:4

E a rangi ni mamara ao n akea bonganan te tua, ao e tuai man karaoaki te baire ae e riai. A toronib'ai riki aomata aika a buakaka, nakoia aika a raoiroi: Akea karaoan te riai.

Mataio 15:3

Ao E kaekaia ni kangai: Ao ngkami kam aera ngkai kam ri aon ana tua te Atua ao kam aki iri nanon ami taeka n reirei?

Mataio 15:6

Ao e a tau ngkana e aki karinea tamana ke tinana. Ma ngaia are i bukin ami taeka n reirei, ao kam a tia ni kakeaa iai ana taeka te Atua.

Mataio 22:29

Ao E kaekaia Iesu ni kangai: Kam kairua! I bukina b'a kam aki ata kanoan te B'aib'ara, ke m'aakan te Atua.

I-Biribi 3:19

Bon te mate tokiia, ao a atuani birotoia; a kamoamoaia ni baika a riai ni mamaa iai, ao ti te iangoi b'ain aon te aba.

Ebera 5:11

A bati ara taeka aika ti kan taekin i bukin te nakoa n ibonga aei ma a kanganga aroia ni kab'arab'araaki nako imi, i bukina ngkai kam aki kai oota iai.

Iakobo 1:8

ngkai te aomata ngaia n nanououa, ae e kai bibitaki arona.

1.Betero 1:1

Mairouni Betero, ae ana tia tuatua Iesu Kristo, nakoia akana rineaki akana iruwa akana uamaae i Bonto, ao i Karatia, ao i Kabatokia, ao i Atia, ao i Bitunia,

1.Betero 2:8

Ao e a manga taku te koroboki teuana: “Te atibu are a na reke waeia iai aomata ao a tata nako, te atibu are a na b'aka iai.” A tata nako i bukina b'a a aki ongeaba nakon ana taeka te Atua; ao anne bon nanon te Atua ma ana baire ma ngkoangkoa i bukiia.

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

2.Betero 2:14

Nanoia bon ti te kani wene ni bure ma aine aika a nooriia; a aki kona n rauaki nanoia ae kani bubure. A kaririia aomata aika mamara ni maiuia b'a a na kam'aneia. Bon iai nanoia aika kataneiaki b'a a na kani b'aib'ai. A na bon reke kaiia;

2.Betero 3:14

Ma ngaia aei, ngkami aika kam tangiraki, ngkai kam tiku ni kakantaninga, ao kam na kakorakoraingkami b'a kam aonga n noraki i rouna b'a akea baarekami ke te bae buakaka iroumi, ao kam rau ni maiumi

2.Betero 3:2

b'a kam aonga n uringi taeka ake a taekinaki ngkoa i rouia burabeti ake ana aomata te Atua, ao b'a kam aonga n uringi naba ana tua te Uea are te Tia Kamaiu, are te tua are taekinaki nakoimi irouia taan tuatua.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.