2.Betero 3:15 - Te B'aib'ara

¹⁵ Kam na tara taotaonan nanon ara Uea b'a te kawai i bukini kamaiuami, n ai aron are e koroia naba nakoimi tarira are tangiraki are B'auro, n ai aron te rabakau are e anganaki.

2.Betero 3:15 Iomraidhean Croise

1.Uea 3:12

Ma ngaia are, N na karikiko b'a te kabanea ni wanawana i buakoia aomata aika a tia ni maiu, ao aika a na maiu rimwi n te maiu aei.

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

1.Uea 4:29

E wanawana Toromon. E kakab'aia te Atua n anganna te rabakau ma te ataib'ai.

Etira 7:25

Etira, ko na kamanenaa te wanawana ane e a tia n anganiko te Atua n rineia mataniwi, ao taani kairiiri ake a na tararuaia kaain m'akoron te tautaeka are i Maeao. A na riai taani kairiiri aikai n ataa ana tua te Atua, ao a na reireiniia aomata ni kabane aika a aki ataia.

Te Otinako 31:3

I aki ti kaonna n Tamneiu

Te Otinako 31:6

I a tia n rinea Ooriaba are kaain te baronga are Taan b'a e na m'akuri ma ngaia, ao I a tia n anga naba te konab'ai ni karaob'ai nakoia aomata nako aika na buokiia ni karaoi b'aai nako aika I a tia ni mwiokoingkami iai n aron aikai:

Te Otinako 35:31

E aki ti kaonna te UEA n Tamneina,

Te Otinako 35:35

Ao e a tia n anganiia te rabakau ni kabane ae te korobanna, n reitaki ma te rabakau ni korotamnei ao katamaroa n te karai ae e buru, ae e uraro, ao buraen te tiibu ae e uraura ao n rarangaia naba n te riinen ae e tamaroa.

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

M'akuri 15:25

Ao e tara n tamaroa nako ira, ngkae e reke nanora ae ti teuana, b'a e riai b'a ti na rineia aomata ni kanakoia nakoimi, ma raora aika tangiraki are B'arenaba ma B'auro,

M'akuri 7:10

ao E kamaiua man rawawatana ni kabane; ao E anganna te rabakau ma te aro ae na tatangiraki iai irouni B'arao are uean Aikubita, are E rineia b'a te tia tautaeka i aon Aikubita ma ana utu ni kabaneia.

M'akuri 9:17

Ao e nako Anania n rin n te auti arei, ao e katokaa baina i aon teuarei, ao e kaangai, “Tauro ae tariu, E kanakomaiai te UEA are Iesu, are kaoti nako im i nanon te kawai, ngke ko nako mai, b'a ko aonga ni manga noraba, ao ni kaonaki n te Tamnei are Raoiroi.”

I-Rom 2:4

Ke ko aki rangi ni mutiakina ana ataataiaomata ae bati, ma taotaonan nanona, ma arona n aki kakaiun? Ao ko aki ata ana ataataiaomata te Atua b'a e kairiko nakon rairan nanom?

1.I-Korinto 12:8

B'a e anganaki temanna ana m'akuri iroun te Tamnei are Raoiroi b'a te tia taekina te rabakau, ao temanna b'a te tia taekina te atatai, iroun naba te Tamnei are Raoiroi aei.

1.I-Korinto 2:13

Ma ngaia ae ti na aki kabonganai taeka aika ti karekei man te rabakau n aomata ngkana ti taetae, ma ti na kabonganai taeka aika ti reireiaki iai iroun te Tamnei ngkana ti kab'arab'arai ana koaua te Atua nakoia ake iai Tamnein te Atua i rouia.

1.I-Korinto 3:10

N aron ana b'ai n tituaraoi te Atua are E a tia n anganai, ao I riki b'a te tia kateitei ae rabakau: I kawenea aana, ao e kateitei i aona temanna. Ma te aomata ane kateitei e na taratara raoi aron ana kateitei.

I-Ebeto 3:3

b'a e kaotaki nako iu te baere raba n te kaotioti, n ai aron are I a tia ni korea taekana ni kauarerekea nakoimi;

1.Timoteo 1:16

ma I nanoangaaki i bukin aei, b'a E na kaota taotaonan nanon Kristo Iesu i rou, ngai ae te kabanea ni buakaka i buakoia aomata, b'a te banna ni kakairi nakoia akana nang onimakinna ao a na karekea te maiu are aki toki.

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

1.Betero 3:20

Ake te koraki n aki ongeaba nakon te Atua ngke E tataninga ma te taotaonaki n nano ni boong ake e kabaa iai ana kaibuke Nooa; are a kamaiuaki i nanona ti tabeman te aomata, aika waniman, n te ran.

2.Betero 3:2

b'a kam aonga n uringi taeka ake a taekinaki ngkoa i rouia burabeti ake ana aomata te Atua, ao b'a kam aonga n uringi naba ana tua te Uea are te Tia Kamaiu, are te tua are taekinaki nakoimi irouia taan tuatua.

2.Betero 3:9

E aki baenikai te Uea ni karaoa nanon ana taeka n akoi, n ai aron are a taku tem'angina n aia iango; ma E taotaona nanona nakoimi i bukina b'a E aki tangira temanna i buakomi b'a e na mate, ma E tangiriia aomata ni kabaneia b'a a na rairi nanoia.