2.Betero 3:14 - Te B'aib'ara

¹⁴ Ma ngaia aei, ngkami aika kam tangiraki, ngkai kam tiku ni kakantaninga, ao kam na kakorakoraingkami b'a kam aonga n noraki i rouna b'a akea baarekami ke te bae buakaka iroumi, ao kam rau ni maiumi

2.Betero 3:14 Iomraidhean Croise

Mataio 24:26

Ma ngaia aei, ngkana a kangai nako imi, Noria, E mena n te rereua, ao kam na aki nako iai; ao ngkana a kangai, Noria, E mena i nanon ruu, ao tai kakoaua aia taeka!

Mataio 25:7

A bane n tei rake ngkanne ateiaine akekei, ao a kauram'aakai aia taura.

Ruka 12:43

E a kab'aia te toro ae e nooria ana mataniwi ngkana e roko b'a e tabe iai.

Ruka 2:29

“Te Uea, kariaia ngkai b'a e na nako am toro ma te rau, b'a ko a tia ni kawakina am berita n ai aron am taeka;

1.I-Korinto 1:8

Boni Ngaia are na kateimatoaingkami naba ni karokoa te toki, b'a kam aonga n aki kabuakakaki n ana bong ara UEA are Iesu Kristo.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

I-Biribi 1:10

B'a kam aonga ni kona n rinei baika moa n raraoi, ao kam na itiaki ma n aki kabuakakaki n te bong are E na roko iai Iesu,

I-Biribi 2:15

b'a kam aonga n aki bukintaeka ngkana iai te kairua ae riki, ao b'a kam aonga n itiaki man te aro ae buakaka, ngkai natin te Atua ngkami aika akea te kairua iroumi i buakon te roro ae b'aoua ae buakaka; aika kam oota i buakoia b'a kanga itoi i aon te aba,

I-Biribi 3:20

B'a I-Karawa ngaira, aika ti kakariaria te Tia Kamaiu, are te UEA are Iesu Kristo b'a E na roko mai karawa;

1.I-Tetaronike 3:13

b'a E na kateimatoai nanomi, b'a a aonga n itiaki ma n akea kabuakakakiia i matan Atuara ae Tamara, ngkana E roko ara Uea are Iesu ma ana aomata aika itiaki ni kabaneia.

1.I-Tetaronike 5:23

Ao Atuan te raoiroi E na karaoingkami b'a kam na riki n ai arona n aromi nako; ao a na kawakinaki tamneimi, ma maiumi, ma rab'atami, b'a a na aki konaki ni kabuakakaki i matan ara Uea are Iesu Kristo.

1.Timoteo 6:14

b'a ko na rangi n ongotaeka nakoni baike ko a tia n tuangaki, ma ni kakaonimaki nako iai ni karokoa rokon ara Uea are Iesu Kristo;

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

2.Betero 3:1

Ngkami aika kam tangiraki, aio ngkai au kauoua n reta ae I koroia nakoimi; ao i nanon reeta aika uoua aikai ao I a tia ni kataia ni kaungaingkami n te aro ni kauring b'a a na eti ami iango:

2.Betero 3:16

Aei te bae e taekinna n ana reta ni kabane ngke e koroi taekani baikai iai. Iai b'aai tabeua n ana reta aika aki kai ataaki, aika kab'araki ni kab'aouaki nanoia irouia aomata aika nano roo ma aika nano tiotio, n ai aron naba are a karaoia nakon taekan te B'aib'ara tabeua. Karaoan aei i rouia boni karekeani mateia.

1.Ioane 3:3

Ao aomata nako aika iai i rouia te kaantaninga aei, ae kaantaningan Teuarei, a kawakinia b'a a na itiaki ni maiuia, n ai aroni Kristo ngkae E itiaki ni maiuna.