2.Betero 2:5 - Te B'aib'ara

⁵ E aki kamaiuia kaain aonnaba ake ngkoangkoa te Atua, ma E ti kamaiua Nooa are te tia tataekina nanon te Atua nakoia aomata, ao itiman riki raona, ngke E karokoa te ieka i aoia kaain te aba ake a buakaka.

2.Betero 2:5 Iomraidhean Croise

Karikani B'aai 6:17

N nang karokoa te ieka n te aonnaba ni kamaunai b'aai aika maiu ni kabane. A na bane ni mate b'aai ni kabane aika i aon te aba.

Karikani B'aai 6:9

Aio rongorongon Nooa. Bon iai natina mm'aane aika teniman aika Tem, Aam ao Iabeta.

Etekiera 26:20

ao e na uotingkami nako rikaaki nako abaia maate, ike kam na raoniia iai aomatan ngkoa ma kaawa ake a uruaki ngkoangkoa. Kam na tiku ikekei kam na aki manga riki b'a te kaawa ae e manga kaainaki irouia aomata

Ebera 11:7

I bukin ana onimaki Nooa, ao e ongo ana taeka ni katauraoi te Atua i bukini baika na riki rimwi aika aki konaki n noraki. E ongeaba nakon te Atua ao e kabaa te kaibuke are e a kamaiuaki iai ma ana utu. Ao i bukin aei a motikaki iai taekaia kaain aon te aba ni kabuakakaki, ao Nooa e riki b'a te tia b'aib'ai n te raoiroi are reke n te onimaki.

2.Betero 3:6

are uruaki iai aon te aba are ngkekei, ngke e iekaki n te ran.