2.Betero 2:4 - Te B'aib'ara

⁴ B'a E aki kamaiuia anera te Atua ake a bure, ma E teweia nako moone, ike a kabaeaki n taurekereke i nanon te rotongitong, ike a kabaeaki iai n taurekereke i nanon te roo b'a a na kawakinaki iai ni karokoa motikan taekaia.

2.Betero 2:4 Iomraidhean Croise

Iobi 21:30

B'a n te bong are E un ma ni katuaaia iai aomata te Atua, ao bon aomata aika buakaka aika a kamaiuaki n taai nako.

Iobi 4:18

E noori aia kairua ana toro ao E bon noori naba kairuaia Ana anera.

Taian Areru 78:50

E aki tautaua unna ke E katibanakoia man te mate, Ma E kamateia n te aoraki ae kamaamate.

Itaia 14:12

Ko a tia ni b'aka Ngkoe ae te itoi ni ngaina ae e raneanea! Ko kab'akaia botannaomata ake tabeua; ao ngkai ko a kab'akaaki.

Etekiera 5:11

E a tia ami bure aika a rangi n ribaaki ni karika au Tembora b'a te tabo ae e aki tau i bukin taromauriakiu. Ma ngaia ae, I tuea i bon i Rou b'a N na tannako mairoumi ao N na aki manga nanoangaingkami.

Etekiera 7:4

n te aro are N na bon aki manga nanoanga. N na oroingkami i bukin te buakaka ae kam a tia ni karaoia, ao ane kam na ataai iai b'a bon te UEA Ngai.

Etekiera 7:9

A rangi ni kakamaaku ami bure, n te aro are e na bon aki reke nanoangaami irou. Ao ane kam na ataia iai b'a bon Ngai ae te UEA ae I katuuaingkami.

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mataio 8:29

Ao noria, a takarua ni kangai, “Tera am b'ai i roura, Ngkoe, ae Natin te Atua? Ko nako mai ni kamarakira ngkae e tuai n roko te Bongi ni Motiki-taeka?”

Mareko 5:7

ao e takarua n te b'ana ae korakora, ni kangai, “Iesu ae Natin te Atua are Moan te Rietaata! Tera am b'ai i rou? I bubutiko n aran te Atua b'a Ko na aki kamarakai!”

Ruka 10:18

Ao E taku nako ia, “I nora Tatan b'a e b'aka mai karawa kanga ai aron te iti.

Ruka 8:31

Ao taimonio, a butia Iesu b'a E na aki kanakoia nako Abuto!

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

I-Rom 11:21

B'a ngke E kaaki m'aanga ake boni m'aanga ni koaua te Atua, ao ko taku b'a E na aki kona ni karaoia naba nako im?

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

Te Tua-Kaua 29:20

Ao E na rangi n un te UEA, ao E na aki kab'arai ami bure, ma E nang kaokoroingkami mai buakoia baronga ake tabeua. Ao i mwiina, E na kamateingkami ni kab'aka i aomi taian taeka ni kamaraia ni kabane ake n Ana Boki n Tua te Atua, ao ane e na mauna nako taekami n aki manga uringaki ni karokoa tokin aonnaba.

2.Betero 2:11

Ao anera, aika korakora riki ma ni m'aaka riki, a aki kabuakakaia n taetaebuakaia taan reirei ni kewe aikai i matan te Atua.

2.Betero 2:5

E aki kamaiuia kaain aonnaba ake ngkoangkoa te Atua, ma E ti kamaiua Nooa are te tia tataekina nanon te Atua nakoia aomata, ao itiman riki raona, ngke E karokoa te ieka i aoia kaain te aba ake a buakaka.

2.Betero 2:9

Ma ngaia ae te Uea E ata aroni kamaiuaia man te kaririaki, aomata aika reitaki ma Ngaia, ao te aro ae E na tauia iai akana buakaka i aan te karawaawataaki i m'ain te bongi ni motiki-taeka;

1.Ioane 3:8

ane karaoa ae bure ao boni mairoun te riaboro, b'a e a kamani bubure te riaboro ma ngke a moa n riki b'aai. E karokoaki Natin te Atua i bukin aei, b'a E aonga n uru ana m'akuri nako te riaboro.

Iuta 1:13

kanga naoni marawa aika kakamaaku ma aroia aika kamamaa aika noraki b'a kanga buroburon naao; kanga itoi aika tiotio nako, aika e kawakinaki i bukiia neia n aki toki n te roo ae rotongitong.

Iuta 1:6

Ao anera ake a aki rauaki ni neia ni m'aka are a katauaki iai ma a kitan oini mwengaia, a kawakinaki i Rouna ni kabaeaki n taurekereke aika akea tokiia n te tabo ae rotongitong i m'ain te motiki-taeka n te bong are kakannato;

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.