2.Betero 2:3 - Te B'aib'ara

³ I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.

2.Betero 2:3 Iomraidhean Croise

Iobi 6:27

Ane kam na karaoa te katekeraoi i aoia ataei aika akea aia karo i bukin anaakia b'a ami toro, ao kam na karekea kaub'aimi mairouia raoraomi ni koaua!

Taian Areru 18:44

A baraaki ni karineai aomata aika ianena; ngkana a ongo taekau, ao a ongeaba.

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Taian Areru 81:15

A na bobaraaki i matau ma te maaku te koraki akana ribaai; A na karawaawataaki n aki toki.

Itaia 5:19

Ao kam taku, “Ke e kawaekoaa Atuan Iteraera ae e tabu ni karaoa te b'ai are e a tia ni berita iai, b'a ti aonga ni bon nooria ngaira.”

Itaia 56:11

Bon te koraki ni kamea aika a baki ngkami taan kairiiri aika kam nanobaba aika aki konaa ni ngae nanomi. Bon taani kaawakintiibu ngkami aika kam kairiia ami tiibu nakon te maiu n aonikai.

Itaia 60:22

E na riki naba b'a te botannaomata ae e korakora te utu ae te kabanea ni uarereke. Bon te UEA Ngai, ao N na kawaekoaai ni karaoa aei ngkana e roko te tai.

Ieremia 6:13

A bane aomata n nanonrang ma ni buakaka, te kaub'ai ma te kainano. Ni karokoa naba taian burabeti ao ibonga bon akea naba onimakinaia.

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

Etekiera 13:19

A tuangiia aomata b'a a na uoti rekenibaia tabeua te abuta te b'are ao uoua taiani kariki, ao ngaiia a na anganiia taian rongorongo aika a kamamaaeai. A kabongana te kewe ni motikitaekaia aika a akea aia bure nakon te mate ao a buokiia taani bure n anganiia te inaomata. Ao a kakoauaaki irouia aia aomata!

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Ab'akuka 3:3

E a roko te Atua mai Etom; E roko te Atua ae E tabu mai taubukin B'aran E kabutaa karawa tamaroana ao e kabutaa aonnaba neboana irian rokona te oota ae e raneanea b'a E na buokiira. Raneanean mimitongina e rabuna karawa, ao e ongo te aba neboakim n te aonnaba ni kabutaa.

Maraki 1:10

Tera ngke iai temanna ae e kaini mataroan au Tembora, b'a kam aonga ni katoka kabanebuakaan ami tai ni kauraa te ai i aon au baonikarea. I aki kukurei iroumi ngkami aika ibonga, a akea riki ami angab'ai ae N na manga butim'aia.

Mataio 23:14

A na reke kaimi, taani koroboki ma B'aritaio, aika taani m'am'ana-te-aba! B'a kam kurib'ai aia auti aine, ao kam kaananau ami tataro b'a kam aonga n taraaki iai; ma ngaia ae kam na anganaki tuaami ae korakora riki.

Ruka 18:8

I tuangngkami b'a ane E na iri taangaia ni waekoa. Ma ngkana E roko Natin te Atua, E na kunea te onimaki i aon te aba?

Ruka 20:20

Ma ngaia are a taratara te tai are na angaraoi; ao a kanakoia aia bureitiman ni karaba aika a na baka n raoiroi, b'a a na karekea kabuakakaan Iesu man ana taeka, n te aro b'a a aonga n anga Ngaia nakon te tia tautaeka b'a E na baireaki taekana.

Ruka 22:47

Ngke E tabe n taetae Iesu, ao noria, a roko aomata aika bati, aika kairaki iroun teuare e aranaki b'a Iuta, are temanna i buakoia uake tengauni ma uoman. E nako ni kaania Iesu b'a e na kamauria ni kiitinna.

Ioane 2:16

E taku nakoia taani kabo bitin, “Uoti nako baikai maikai; kam na aki karaoa ana auti Tamau b'a te tabo ni kabob'ai!”

I-Rom 16:18

B'a a aki toro iroun ara UEA are Kristo aomata aika aroia akanne, ma a m'akuri i bukini birotoia. A bureburei nanoia aomata aika a kai rairaki aia iango n aia taeka aika kareke nano ao n aia taeka ni karang.

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

Te Tua-Kaua 24:17

Kam na riai ni kakoauaa b'a kam bon kakaraoa ae raoiroi nakoia ataei aika akea aia karo, ao iruwa. Ngkana kam anga te m'ane nakon te aine ae mate buuna, man taua ana b'ai teuana b'a kakoauaan ana taarau are riai ni kab'ara, ao kam na aki ana teuana man ana kunnikai.

Te Tua-Kaua 32:35

A na reke kaiia ara kairiribai n te tai ae aki maan ao ane a na karina ni marannako ao e na waekoa n taorimwiiaki n te kabuanib'ai ae korakora.

1.I-Tetaronike 2:5

B'a ti bon aki taetae ni karangingkami, n ai aron ae kam ataia: ao ti aki taetae ma nanora ni kani b'aib'ai ae raba, ara tia kakoaua te Atua.

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.

1.Timoteo 3:3

e na aki riki b'a te tia manging, ke te tia oro; ma e na taotaona nanona n aki un, ao e na tai baki tianti.

1.Timoteo 3:8

Ao ai aroia naba taani buobuoki, a na taua ma nanoia, a na taekina te koaua, a na tai manging, ao a na tai kani b'aib'ai n te aro ae aki riai!

1.Timoteo 6:5

ma aia meremere n taai nako aomata aika babanga n iango, aika akea irouia te koaua. A taku n aia iango b'a tauan te Aro boni ngaia ae e reke mai iai te kaub'ai.

Tito 1:11

E riai b'a a na kainaki wiia te koraki aei, aika aomata aika kabane kaain utu nako n aki karauia n aia reirei aika aki riai n anga; ma a anga i bukin te kani b'aib'ai n te aro ae aki riai.

Tito 1:7

B'a te mataniwi n te ekaretia, ngkai ana touati te Atua ngaia, ao e riai n akea kabuakakaana. E na tai b'ab'aotiniia aomata, e na tai kakai un, e na tai mamanging, e na tai kakai oro, ao e na tai kani b'aib'ai n te aro ae aki riai;

1.Betero 2:8

Ao e a manga taku te koroboki teuana: “Te atibu are a na reke waeia iai aomata ao a tata nako, te atibu are a na b'aka iai.” A tata nako i bukina b'a a aki ongeaba nakon ana taeka te Atua; ao anne bon nanon te Atua ma ana baire ma ngkoangkoa i bukiia.

1.Betero 5:2

kam na tararua raoi ana nanai te Atua ma ni kawakinna raoi, tiaki n te aro ae kam kairoroaki iai; ma kam na kawakinna ma te nano ni kukurei n ai aron nanon te Atua. ao kam na kawakinna naba, tiaki i bukin te kanib'aib'ai n te aro ae aki riai, ma i bukina b'a bon iai nanomi ae korakora nako iai;

2.Betero 1:16

B'a ti aki taekini karaki aika oteaki n te aro n rabakau, ngke ti tuangngkami m'aakan ma rokon ara Uea are Iesu Kristo; ma ti bon nora kakannatona.

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

2.Betero 2:9

Ma ngaia ae te Uea E ata aroni kamaiuaia man te kaririaki, aomata aika reitaki ma Ngaia, ao te aro ae E na tauia iai akana buakaka i aan te karawaawataaki i m'ain te bongi ni motiki-taeka;

Iuta 1:11

A na reke kaiia! B'a a karaoa te baere e karaoia Kain, ao a kataua karaoan te kaairua are e karaoia B'araam i bukini kani karekeani boon aia m'akuri. A rawa ni kan tautaekanaki n ai aroni Kora, ao a mate.

Iuta 1:15

b'a E na motiki taekaia aomata ni kabaneia, ni kabuakakaia ni kabaneia akana aki reitaki ni maiuia ma te Atua, i bukin aia m'akuri ni kabane aika akea karinean te Atua iai, ake a tia ni karaoi n aki reitaki ma ana kaantaninga te Atua, ao i bukin taeka ni kamaraki nano aika a bukinna iai taani bure aika aki reitaki ma te Atua ni maiuia!”

Iuta 1:16

Bon taani b'angantaeka te koraki aei, ao taani ngurengure ma taan iri oin nanoia ni kaib'ab'aru; taan taetae ni kainikatonga, ao a kamoamoaia aomata ni karangiia b'a a aonga n reke i rouia baika tangiri.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

Iuta 1:7

n ai aroia kaain Totom ma Komora ma kaawa ake i rarikiia, ngke a kitan aroia ake a katauaki iai n ai aroia anera akekei, ao a karaoi aaro ni kammaira aika bobuaka ma te iango; ao a riki b'a te b'ai n reirei nakoia aomata ni kabaneia, ngkai a reke kaiia n te ai ae m'aka are akea tokina.