2.Betero 2:19 - Te B'aib'ara

¹⁹ A tuangiia b'a a na inaomata, ma ngaiia bon ana toro te buakaka ae kamamate: b'a e toronaki te aomata iroun ane kataenikaiaki i rouna.

2.Betero 2:19 Iomraidhean Croise

Itaia 28:1

E a reke n te kaangaanga te kaawa ae e buubura are Taamaria are e mena ietan te M'arua are e maiu aona! a koro ni manging ana taani kairiiri, ake a kaonia n tain am'arake ma taiani wain. Ma ane a na katotoongi taiani uee aika a na b'ata ma n rai.

Ieremia 23:9

Ngkana I iangoia burabeti, ao I tiaoki, ao I ruru ni maaku kaanga aron temanna ae e koronimanging, i bukin ana taeka te UEA ma Ana taeka aika a tabu.

Nakoaia Ibonga 13:8

E na manga tuoa riki te ibonga, ao ngkana e a tia n raka nako, e na katanoataa te aomata anne b'a e aki itiaki; bon aorakin te kun ae e kakamaaku.

Ioane 8:34

E kaekaia Iesu ao E taku, “Bon te koaua ni koaua ae I a tuangngkami b'a ane karaoa ae buakaka ao e toronaki iroun te buakaka.

M'akuri 19:16

A ewekaki ngkanne iroun te aomata are iai i rouna te tamnei are buakaka, ao e konai aoia b'a e korakora nakoia. Ma ngaia are, a biri nako mai nanon te auti arei ma kunnikaia aika raeuaki, ao a ikoaki.

I-Karatia 5:1

B'a E kainaomataira Kristo i bukin te aro n inaomata; ma ngaia ae kam na teimatoa, ao kam na tai manga bae i aan te amo n toronaki.

I-Karatia 5:13

B'a kam weteaki nakon te aro n inaomata, taari; ma kam na tai b'aina te aro n inaomata b'a aonami i bukini baika e tangiri te rab'ata; ma kam na i torotoro iroumi n te tangira.

2.Timoteo 2:26

ao tao a na oki aia iango iai, ao a na maiu man ana b'ai ni kam'am'ane te riaboro, ngkai a tia n tauaki i rouna b'a konana ake e karaoia b'a a na karaoa nanona.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

1.Betero 2:16

Kam na b'aina te maiu n inaomata; ma kam na tai b'aina inaomatami b'a aonami ngkana kam karaoa ae buakaka; ma kam na b'aina te maiu n toro ae maiuia aomata aika tooro iroun te Atua.

2.Betero 1:4

ake E anganira iai taeka n akoi ake a kakawaki ma ni moa ni kakannato, b'a kam aonga ni biri nako man te kaib'ab'aru ae kamamate ae i aon te aba, ao kam riki b'a taani buokanib'ai n te aro n Atua.

2.Betero 2:20

B'a ngkana a a tia ni butaki nako mani kam'arani b'ain te maiu aei, n ataakin te Uea are te Tia Kamaiu are Iesu Kristo, ao ngkana a manga mangao i buakoia ma n tae aia kai iai, ao n tokiia a buakaka riki aroia nakon are rimoa.