2.Betero 2:15 - Te B'aib'ara

¹⁵ a kitana te kawai ae eti, ao a tiotio nako, ao a karaoa are e karaoia B'araam are natini Beora, are tangira boon te m'akuri ae kairua are e karaoia;

2.Betero 2:15 Iomraidhean Croise

1.Uea 18:18

Ao e taku Eria, Tiaki ngai te tia kakiriwe ae moan te buakaka ma boni ngkoe. Boni ngkoe ma am utu aika kam aki ongotaeka nakon ana Tua te UEA ngkai kam taromauria B'aara.

1.Uea 19:10

Ao e taku Eria, “Te UEA ae Moan te M'aaka, I aki toki ni kakabanea korakorau n ongongotaeka iroum. Ma a tia am Aomata n urui aia berita nakoim. A tia n urui am Baonikarea ao a tiringiia am Buraabeti, ao bon ti nikiraia ngai. Ao ngkai ae a boni kataia naba ni kan tiringai.”

Neemia 13:2

E riki aei i bukina ngke a rawa n anga te am'arake ma te ran nakoia Iteraera ao a tia ni kabooa B'araam b'a e na kamaraiaia. Ma e ngae n anne, ao e a tia Atuara n onika te kamaraia nakon te kakab'aia.

Taeka n Rabakau 28:4

E neboa te aomata ae e buakaka taan urua te tua, ma a aki toki ni kaitaraaki n taai nako irouia aomata aika a kaawakin taian tua.

Etekiera 9:10

Ma ngaia ae N na aki nanoangaiia ke ni kab'araa aia bure. A na riai ni katuaaeaki i bukin te b'ai ae a tia ni karaoia.”

Otea 14:8

Iteraera, Katikui ami bouannanti nako! N nang kaekaa ami tataro ma n tararuaingkami. Boni Ngai te aroka are e mimitong arei, are oin ami kariki uaa,

Mika 6:5

Au Aomata, kam na uring ana iango B'araka ngkoa are uean Moaaba, are e na karaoia nakoimi, ma ana kaeka B'araam nakoina are natin Beora. Kam na uring aromi ngke kam ri aon te karaanga are te Ioretan ngke kam m'ananga mai Titim nako Kirekara. Kam na uring ni kabane baikai ao kam na namakin Au m'akuri ni kamaiu i bukimi.”

Warekaia Iteraera 22:23

Ao ngke e noora te anera ana aati B'araam b'a e tei ma ana kabaang, ao e a ti b'akee nako naba man te kawai nakon te tabo ae itiaki n te katawanang. Ao e orea ana aati B'araam b'a e na kaokia nakon te kawai.

Warekaia Iteraera 22:28

Ao ngke e riki arei, ao E tuanga te aati te UEA b'a e na taetae. Ao e a bubutiia B'araam te aati ao e taku, “Tera ae I a tia ni karaoia nako im ngkai ko a bon oreai tenua te tai?”

Warekaia Iteraera 22:32

Ao e taku te anera, “Bon akea riaina b'a ko na karaoa te aro anne nakon am aati. Boni Ngai ae I tuuka kawaim, i bukina b'a I aki tangiria b'a ko na nako Moaba.

Warekaia Iteraera 31:16

Boni ngaiia naba aika ongotaeka nakon ana babaaire B'araam ao e kaoiia ara aomata b'a a na taromauriia te anti are B'aara Beore. Ao bon anne bukina ae katuaaira iai te UEA n tiringiia ara aomata aika m'aiti.

Mataio 26:9

B'a te kabira aei, e kona ni kabooaki nako n teboo ae m'aiti, ao a anganaki akana aki kaub'ai.”

M'akuri 1:18

E kaboa te aba teuana Iuta n te m'ane are e karekea i bukin ana m'akuri are buakaka. Ngke e b'aka n unika atuna ao e tabwena rab'atana mai nuuka, ao a nna nako kanoan nanona.

M'akuri 13:10

Ngkoe ae natin te riaboro, ae ko on n te uarao ni kabanea ma aaro ni babakanikawai ni kabanea, ae ana kairiribai te raoiroi ni kabanea, ko aki kona n toki man arom ae te atong koaua mairoun te Atua b'a keewe?

2.Betero 2:13

ao a na kamarakaki b'a booni mwin te kamaraki are a a tia ni karaoia nakoia tem'angina. Bon te b'ai ni kakukurei nakoia karaoan te b'ai ae buakaka ae a na kukurei iai rab'ataia i nanon te ngaina; a buakaka aroia ma n aki tau ngkai a raoningkami n ami baka n am'arake, ao a maiu nanoia n aroia ni m'am'anaa te aba.

Iuta 1:11

A na reke kaiia! B'a a karaoa te baere e karaoia Kain, ao a kataua karaoan te kaairua are e karaoia B'araam i bukini kani karekeani boon aia m'akuri. A rawa ni kan tautaekanaki n ai aroni Kora, ao a mate.

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.

1.Tamuera 12:23

Ngkana I katoka au tataro i bukimi, ao I aki ongotaeka iai nakon te UEA! N na reireiningkami n taai nako aromi ni maiuakina te raoiroi.